Decembro 17, 2013 | Marde | 14h57m | Ĝisdatigita la 22-an de Septembro, je 16h07m
Persona arkivo
LERNOLIBRO PRI SAVA AMO
La belaspekta libro fascinis min kaj mi karese tuŝis ghin ŝajne juvelan relikvon. Mi hastis eklegi antaŭsentante enhavon despli alloga. Miajn supozojn rajtigis brila kaj impona ESPERANTO. Mi miras kaj admiras, ĉar temas pri traduko. Do, plej konvenas por esperantigo la perfekta ĝis facila kaj agrabla percepto. Pro katenoj kaj influo de nacia lingvo iam la tradukitaĵo apenaŭ kompreneblas. En tiu ĉi okazo per sperto kaj talento rezultis idiomo pli proksima ol la gepatra. Bonvolu pardoni mian aŭdacon unue mencii la laŭdindan tradukiston PAULO SERGIO VIANA, dank al kiu mi ĝuas la libron, kies ĉiurilata bonkvalito devas fierigi Esperantion.
Abundas tiom da talentoj, postenoj kaj agadoj, ke mi ne kapablas plenvalore prezenti la aŭtoron mem kaj lian aminde amikan verkon „MEDITADOJ EL LA ANIMO”.
Naskita en Brazilo, José de Paiva Netto estas ĵurnalisto, radikomunikanto, verkisto, komponisto kaj poeto. Mi emfazos unu postenon aparte gravan por esperantistoj ― direktoro-prezidanto de la LEGIO de BONA VOLO fondita je la 1-an de januaro 1950. Bonfara, filantropia, eduka, klereca, filozofia, ekumena kaj altruista, senprofitcela Institucio kun internacia prestiĝo kaj kunlaborado por protektata vivo de popoloj en situacio de damaĝeblecon aŭ socia risko. Ekde sia apero LBV apogas kaj disvastigas Esperanton por interfratigo de la popoloj. De tiam oni tradukas publikigitajn ekumenajn preĝojn, literaturajn tekstojn, revuojn, gazetojn, faldfoliojn, librojn por infanoj k.a. La uzado de Esperanto ankaŭ realigas en Templo de Bona Volo, fondita de Paiva Netto kaj popole aklamita kiel unu el la sep mirindaĵoj en la ĉefurbo de Brazilo.
Simile al ravaj perloj en koliero, la verko kolektas lumigan diversepokan kaj tutmondan saĝecon de famaj geniuloj, lasintajn kreajn kaj glorajn spurojn en la historio de la homa progreso. Ĉiun instruan citaĵon akompanas konciza kaj kontentige informdona biografio de la koncerna aŭtoro. Tial „Meditadoj el la animo“ akiras enciklopedian dimension.
Se la kuraĝiga lernolibro estas mia, mi konstante relegus ĝin por ĉerpi optimismon. En ĝi regas tia ĉarma etoso, kian mi sopiras ― PACO, FRATECO, SOLIDARECO kaj KARITATO. Miaopinie, tutegalas kiu servas al la BONO ― religiulo aŭ ateisto. La konkordo dependas de la inklino kompreni diversulojn. Nome la komprenemo naskas interkompreniĝon.
Multaj citaĵoj meritas esti ree citataj. Mi ne povas preterpasi la inspirantan, genian simplecon de Abraham Linkoln, la 16-a prezidento de Usono ― „Kiam mi agas per bono, mi sentas min bone; kiam mi agas malbone, mi sentas min malbone. Jen mia religio!”
Ĉu „Meditadoj el la animo“ de Paiva Netto meditigos la fiulojn por fari ilin pli prudentaj?!? Ho, ve, mi ege dubas….Tamen bonuloj nepre estiĝos pli fortaj, batalemaj, sukcestrafaj, kredantaj aŭ almenaŭ espergardaj, ke la hinda simbolo de la neperforta filozofio- Mahatma Gandhi profete pravas: „Kiam unu homo atingas plenecon de Amo, tiam li neŭtraligas malamon de milionoj”.
En 1865 forpasis Lincoln kaj nur post kvar jaroj dum1869 naskiĝis Gandhi. La saĝa boneco tra la mondo ĉiam ekzistos, ĉu ne? La SAVA AMO resurektas kaj penetras el animo en animon!
La legantoj trovos absolute proprajn kaŭzojn por danki al Paiva Netto. Malsamaj sugestoj kondukas al komuna impreso pri utila kaj necesa libro kun digna misio de ŝatata Lernilo.
Decembro 17, 2013 | Marde | 14h52m | Ĝisdatigita la 22-an de Septembro, je 16h07m
Lucian FagundesJosé Roberto Alves de Albuquerque, Brazilo.
Recenzi verkon temantan pri pacaj kaj esperigaj meŝagoj ne estas malfacila tasko, kontraŭe estas plezuriga laboro, ĉefe kiam la aŭtoro estas la famkonata kaj laborema bonfaranto Paiva Netto. El ĝi oni kaptas la diinstruan esencon, tion, kio gravas al ni, vivantoj, difiloj, por taŭge plenumi nian nunan mision surteran. Kvankam oni scias la dileĝojn, kiuj kuŝas en nia konscio, decidis la Patro sendi siajn misiulojn por al ni ilin montri kaj klarigi. Kaj jen li prenante la vortojn el la menso kaj ĵetante sur la paperon. Oni diras, ke tia ago nomiĝas inspiro. Mi kredas tion, plibone, mi scias. Estus bone, se la homoj aŭdus sin mem, ĉar tiel agante, ili elmontras al si, ke sin konas. Feliĉe aŭ malfeliĉe, mi ne scias, dependas de la vidpunkto, kutime homoj ne sekvas la voĉojn venantajn el sia menso, el sia mio, el sia spirito. Nun mi povas diri, feliĉe Paiva Netto ne agas kontraŭ sia naturo. Li aŭdas la voĉon, kiu venas el la ĉielo, kaj ĝin komprenante realigas porhomarajn verkojn.
"Meditadoj el la animo" estas unu el tiaj verkoj. Legante ĝin oni komprenas la belecon kaj verecon de la pensaj filozofoj laŭlonge de la jarcentoj. Verko zorge elpensita kaj eldonita, tradukita esperanten, signas la estontecajn librojn, kiuj abundos ĉe ni, pro tio, ke ili finfine temos pri paco kaj amo de Dio por ni. Mi ne kredas je tio, ke ĝia leginto ne fariĝu alia. Li aŭ ŝi, post tiel instruplena legado, tutcerte transformiĝos, la penso altiĝos kaj beligos la travivadon. La korpo ne plu pezos, sed de tiam malpezos. Pri Paiva Netto ne bezonas paroli, ĉar liaj sennombraj bonfaraj verkoj diras al ĉiuj, kio kaj kia li estas. Kiel diris la Majstro Jesuo, vidu tiu, kiu havas okulojn de vidi, kaj aŭdu tiu, kiu havas orelojn de aŭdi. Jen antaŭ ni leginda verko enhavanta belajn kaj instruigajn mesaĝojn. Krom tio en ĝi abundas biografioj de pensuloj kaj belfamaj bildoj, kiuj pliriĉigas la verkon. Kaptu ni do la ŝancon ĝin malfermi, ĝui kaj lerni.
Decembro 17, 2013 | Marde | 14h46m | Ĝisdatigita la 22-an de Septembro, je 16h07m
Persona arkivoS-ro Bob Felby, Aŭstralio.
Eldonejo Elevaçảo en Sao Paŭlo/SP, Brazilo, eldonis tre legindan verkon de José de Paiva Netto kun 255 paĝoj, 23 cm x 15.5 cm x 2 cm. En la fino de la libro troviĝas kvar paĝoj da elbibliaj versoj, tabelo de ĉiuj nomoj menciitaj en ĝi, kvar paĝoj bibliografiaj kaj la vere lastaj 14 legindaj paĝoj estas biografio de Paiva Netto.
Temas pri libro pri amo bazita sur kristismo, sed Paiva Netto nomas ĝin ekumena kvankam mi nomus ĝin tutmonda, ĉar ĝi certe ne limiĝas al nura kristismo, sed ampleksas ankaŭ ĉiujn aliajn religiojn sur tiu ĉi Tero. Paiva Netto parolas pri "Unu Tutmonda Religio" kaj ni esperantistoj ja scias, ke ankaŭ Zamenhof antaŭvidis tion saman. Kelkfoje oni aŭdas la vortojn "Universala Religio", sed mi ne kuraĝas uzadi ilin, ĉar mi ne estas certa pri la religioj sur aliaj planedoj.
Ke ankaŭ arto celas plibonigi nian materian mondon pruvas la fakto, ke la libron ilustras multaj pentraĵoj de famaj majstroj de tiu arto, sed bedaŭrinde nur nigre/blankaj. La libron enkondukas Roman Dobrzýnski. Saĝuloj kaj homamantoj kiaj Voltaire, Konfuceo, Tomaso el Kempis, Ksenafono, Sokrato, Plutarko, Marteno Lutero, Getýlio Vargas, Alziro Zanur, Gandhi, Mateo Alemán, Diogeno, Aristotelo, Antisteno, Aleksandro la Granda, Filipo Makedona, Dom Paŭlo Evaristo Arns Da Vinĉi kaj Mikalanĝelo kaj tre multaj aliaj plenigas per siaj pripensindaj vortoj la paĝojn de la verko.
La tradukinto, Paŭlo Sergio Vraná, eĉ tre lerte faris sian laboron tradukante la verkon en facile legeblan legaĵon. Literaturan sukceson atingis la verko en Brazilo, Portugalujo kaj Argentino, ĉar jam vendiĝis pli ol 400.000 ekzempleroj de ĝi. Tre impresas unu el la tre bone elpensitaj kaj prudentaj eldiraĵoj de Paiva Netto, nome tiun ĉi: "La paco de homoj estas ankoraŭ nun la paco de lupoj kaj de kelkaj malprudentaj frenezuloj, kiuj gvidas popolojn sur la Tero".
Aliloke la verkinto parolas kontraŭ abortigo. Li fakte parolas pri Apokalipso, kio estas kristismo, sed malgraŭ tio ŝajnas, ke li ĉefe parolas pri tutmonda religio. Gravas ankaŭ laŭ s-ro Netto instruado kaj edukado. Malgraŭ la malpermeso en la Malnova Testamento en la Sankta Biblio, li opinias, ke oni rajtas komuniki kun la spiritoj de la mortintoj, ĉar nenia tia malpermeso troviĝas en la Nova Testamento.
Paiva Netto klarigas ankaŭ la veron, ke estas nur unu Dio, kaj kvankam tiu unusola Dio diktis la samajn veraĵojn al multaj malsamaj homoj, tiuj malsamaj homoj ja kompreneble perceptis la veraĵojn iomete malsame, kaj do transdonis la veraĵojn malsame. Pri tio kaj aliaj spiritaj aferoj temas ĉi tiu verko de José Paiva Netto.
S-ro Netto citas Pierre Joseph Proudhon, kiam li diras: "Paco akirita per glavpinto ne estas pli ol simpla batalpaŭzo". Tion ni ĉiuj devus lerni, ĉu ne?
Alia bona citaĵo estas: "Milito estas monumento omaĝe al la homa malprudento". Estas multaj tiaj citaĵoj en la libro, mi rekomendas al ĉiuj atente trastudi ĝin. Estas multe pli utile tralegi ĝin dum la vesperoj anstataŭ sidi kaj rigardi la televidon!
La tuta libro radias de amo al la homaro, sed mi ŝatus vidi ankaŭ ion pri amo al bestoj. Estas ja terura fakto, ke niaj bestoj, precipe tiujn, kiujn ni manĝas, estas naskitaj en tre malbonaj cirkonstancoj, ili suferas dum sia tuta vivo, kaj la lastajn momentojn de sia vivo ili pasigas en teruro kaj timo, nur por ke ni, tiel nomataj homoj, povu ilin konsumi. Mi ŝatus vidi la opinion de Dio pri tio.
Diras Paiva Netto, ke eterna paco tutmonda venos nur en la tria jarmilo post Kristo, ĉar ni evoluas nur tre malrapide. Oni povas ja facile vidi pliboniĝojn niajn de post la tempo, kiam Jesuo iradis sur la Tero, sed ni ankoraŭ ne komprenas, ke bestoj, plantoj, jes ĉio, eĉ la montoj estas spiritaj kaj do tial estas spiritoj ene de materio. Do ankaŭ tiuj spiritoj evoluas kaj revenas Teron fojon post fojo same kiel ni. Ni devas do ami ankaŭ ilin, same kiel ni amas nin mem. Mi do konkludas, ke tutmonda paco eterna neniam venos sur Teron, ĉar ĉiame venas ĉi tien malpli altaj kaj malpli lumaj spiritoj kun bestaj tendencoj. Estas ili, kiuj estigas la militojn, tio estas necesa por ili, por ke ili lernu la suferojn de milito. Kiam tiuj spiritoj estos lernintaj esti bonaj, ili ja renaskiĝos al sur aliaj, iom pli bonaj planedoj, kaj tiuj, kiuj estis bestoj, revenos ĉi tien en homaj korpoj kaj la karuselo gaje plurondiros.
Decembro 17, 2013 | Marde | 10h57m | Ĝisdatigita la 22-an de Septembro, je 16h07m
Persona arkivoS-ino Alicja Lewanderska-Quednau, Germanio.
Ĵus mi ricevis kaj legas la unikan libron de Paiva Netto — Meditado el la Animo. La verko estas eksterordinare verkita laŭ ĵurnalistikaj, retorikaj kaj ergonomikaj reguloj. Koloroj kaj ĉapitroj havas sian gravan signifon. Ĉiuj povas en tiu libro trovi interesajn informojn de diversaj branĉoj de scienco kaj animo. Ankaŭ estas multaj konsiloj por politikistoj kaj gvidantoj.
Legante la libron oni povas konstati, ke homo ne estas sola, eĉ se ne havas familion kaj estas malsana. Sur paĝoj 96 kaj 97 troviĝas tre saĝaj informoj pri homo, amo kaj paco. Ekzemple : "Amo estas la fundamento de la dialogo kaj homo plifortigas sin per ĝi.” Krome la aŭtoro konstatas, ke malsana homo unue bezonas amon kaj amikecon de plej proksimaj homoj kaj familianoj, kaj poste konsilon kaj helpon de bona kaj saĝa kuracisto. Sed necesas ankaŭ, ke ni estu optimismaj. Grave estas ankaŭ la konstato, ke dum malfacilaj travivaĵoj kaj malsano la homo ne estas sola. Dio estas por la homo forto, ne nur kredo kaj fido, sed espero kaj helpo. Ni ne estas solaj, ni havas amikojn. Niajn amikojn ni povas trovi ankaŭ en Esperantujo.
Krome oni devas ankaŭ mencii, ke la libro de Paiva Netto estas ne nur kolekto de saĝaj religiaj kaj filozofiaj pripensoj, sed ankaŭ entenas informojn pri diversaj personoj, precipe en Eŭropo ne bone konataj.
Mirigis kaj ĝojigis min informoj pri Voltaire, kiujn eĉ pluraj edukitaj homoj ne konas. Ankaŭ kortuŝiga estas informo pri Dreyfus. Mi memoras, ke kiel studentoj de pola filologio ni tre ekscitiĝis pri maljusteco kontraŭ li, kaj eĉ polaj poetoj dediĉis al li poemojn. Kun tristo mi konstatis, ke ne nur pola, sed ankaŭ germana junularo ne bone konas tiun aferon, kaj ne komprenas, kial ĝi estas tiom grava. Pluraj informoj en piednotoj povas krei sendependan etan enciklopedion pri pluraj personoj kaj eniri en devigajn sciojn de studentoj kaj edukitaj homoj.
Mi tre rekomendas al vi ĉiuj tiun libron. Ĉiuj trovos en ĝi interesajn por si mem pensojn. Ankaŭ estas konsiloj pri komuna konkorda agado kaj grava rolo de paco por la mondo.
La aŭtoro José de Paiva Netto estas i.a. verkisto, ĵurnalisto, politikisto, sciencisto, komponisto, poeto kaj prezidanto de Legio de Bona Volo.
Decembro 17, 2013 | Marde | 10h54m | Ĝisdatigita la 22-an de Septembro, je 16h07m
Arquivo pessoalS-ino Adrienne Pásztor, el Hungario.
Ĉi tre belaspekte aperinta ne spiritisma libro eldonita, publikigita estis julie en 2011, de Eldonejo Elevação [Plialtigo] en la 8-a Tutamerika Kongreso de Esperanto, kiu okazis en la urbo San-Paŭlo, Brazilo. (...) La aŭtoro José Paiva Netto; Brazilano estas tre multflanka homo: verkisto, ĵurnalisto, radiopreleganto, 21 komponisto kaj poeto. „Li naskiĝis je la 2-a de marto en 1941, Rio de Janeiro/RJ, Brazilo. „Laŭ sur la librokovrilo interne aperintaj informoj de la eldonejo Elevaςão /apartenanta al la Legio Bona Volo/: ”li estas direktoro-prezidanto de Legio de Bona Volo (LBV), aktiva membro de Brazila Asocio de Amaskomunikiloj (ABI), Brazila Asocio de Internaciaj Amaskomunikiloj (ABI-Inter), ano de Nacia Federacio de Ĵurnalistoj (Fenaj), de International Federation of Journalists (IFJ), de Sindikato de Profesiaj Ĵurnalistoj en Subŝtato Rio de Janeiro, de Sindikato de Verkistoj de Rio de Janeiro, de Sindikato de Radiokomunikistoj en Rio de Janeiro kaj de Brazila Unuiĝo de Komponistoj (UBC). Ankaŭ partoprenas li en la Beletra Akademio en Centra Brazilio.
Kiel estro de Legio de Bona Volo ekde 1979, li multobligis programojn por Homa, Socia, Eduka Elvolvado en la Institucio, per ĝiaj modellernejoj. Reedukado kun Ekumena Spiritualeco, efektivigata per Pedagogio de Bona Volo, proponas ian novan lernomodelon, ligitan Cerbon al Koro. Ĝi enhavas esence du segmentojn: Pedagogio de Amo kaj Pedagogio de Ekumena Civitano.
Alziro Zarur (1914-1979) la fondinto kaj unua direktoro de LBV diris, ke: „LBV estas la Esperanto de la religioj, samkiel Esperanto estas la LBV de la lingvoj.”
Je la 21-a de oktobro 1989, Paiva Netto inaŭguris en Brasília/DF, ĉefurbo de Brazilo, la templon de Bona Volo (TBV). Kaj flanke de ĝi, en 1994, li inaŭguris la Mondan Parlamenton de la Ekumena Frateco, Parla Mundi de LBV, konstruaĵon kiu kunformas arkitekturan ensemblon plej multnombre vizitatan en Brasília (ĉe Dombloko 915 Sude), laŭ la Sekretario pri Turismo de la Federacia Distrikto (Setur), ĉar ĝi jam akceptis ekde la inaŭguro pli ol 21 milionojn da pilgrimantoj.
Por disvastigi Spiritualan Civitanecon (la koncepto diskonigita de li); Paiva Netto kreis Superan Reton Bona Volo de Radio (Super RBV), TV-on Bona Volo kaj Reton Edukado kaj Estonto de Televido (Reeduki), TV-on Ekumenismo, krom la publikigaĵoj Jesuo Alvenas! kaj Bona Volo. Li estas ankaŭ aŭtoro de pluraj furoraj libroj, kun pli ol 4 milionoj da venditaj ekzempleroj, kaj krome verkis por plej gravaj ĵurnaloj kaj revuoj en la tuta mondo.
La 29-an de de junio 2011 li kompletigis 55 jarojn da servado al la LBV-afero.
„Sinjoro Roman Dobrzyński, pola ĵurnalisto, dokumentfilma reĝisoro kaj esperantisto, estis vicprezidanto de Universala Esperanto-Asocio (1989-92) skribis pri Paiva Netto kaj pri lia libro: ”Ankoraŭ fine de 1989, mi intervjuis la estron de la Institucio por la publika pola televido, kie mi laboris dum 30 jaroj. Tiam mi demandis lin, kiel LBV povas prediki Senliman Ekumenismon, se ĝi parolas pri Jesuo? Paiva Netto do respondis: „La granda tasko de LBV estas sensektigi Lin, ĉar Jesuo estas la Ekumena Kristo”. Poste li finis: „La Dia Majstro estas la Ĉiela Idealo de Homeco, Amo, Solidareco kaj Justeco por ĉiuj Homoj Enkorpaj kaj Spiritaj. Jesuo estas ia ĉiutaga alprenado por tiuj, kiuj soifas Scion, Fratecon, Liberecon kaj Egalecon, laŭ la Universala Leĝo de Reenkarniĝo. En Si mem, Jesuo ne konsistigas elementon por malamoj kaj militoj. Per Sia Nova Ordono, Li predikis Amon je ĝia senfina multoblo. Kion surteraj homoj faris per Lia Mesaĝo, tio estas ilia problemo (…). Elmontri la subliman signifon de Lia Evangelio kaj de Lia Apokalipso, sen sekto, jen estas elstara servo, 22 kiun LBV plenumas por la monda socio (…).” „Mi tre fieras, ke mia nomo priskribiĝis en la historion de Legio Bona Volo, precipe pro demando, kiun mi faris, kaj ĝi rezultigis die inspiritan respondon. Mi neniam povus supozi, ke tia ŝajne simpla demando fariĝos tiel grava kaj kondukos al artikolo verkita de Paiva Netto pri la Kristo Ŝtatisto, pri la Spirito de Senlima Ekumenismo, sub la titolo „Sensektigi Jesuon”. Tiun tekston publikigitan en pluraj lingvoj, per gazetoj kaj revuoj tra la tuta mondo, ankoraŭ hodiaŭ oni plu reproduktas per amaskomunikiloj. Post kvin jaroj, mi ĉeestis ankaŭ la inaŭguron de Parla Mundi de LBV, je la Kristnasko de 1994. Tie emocio prenis pli ol 100 mil homojn, kiuj ĉeestis la ceremonion.”
„Ĝi estas belega konstruaĵo. … Per la raporta filmo eblas vidi amason da Legianoj. Sur iliaj okuloj briladis larmoj de ĝojo, kiam ili salutis la belegan monumenton. En alia sceno, pilgrimantoj trairas la plankon konstruitan per granito kaj spirale desegnitan, tiel, ke la homo kiu eniras la Navon de la Templo, laŭiras malhelkoloran vojon, kiu turniĝas en kontraŭhorloĝa direkto, kio reprezentas la malfacilan iradon de la Homo, serĉe de ekvilibra punkto. Tia introspekta irado kondukas la pilgrimanton ĝis la centro, sub la kristalon, metitan sur la pinton de la Piramido, kie ĝin ĉirkaŭas enigma lumo, kiu trairas la kristalŝtonon, kiun oni konsideras la plej grandan iam trovitan en la mondo. Sekve, li eniras novan iradon, prenante la helkoloran vojon, laŭ horloĝa turniĝdirekto, sur pado prilumata de spiritaj kaj moralaj konceptoj akiritaj per klopodado propra al la Homo, kio kulminas sur la Trono kaj Altaro de Dio, de Kiu li ricevas benojn….”
„… Nuntempe, do, estas neeble imagi la ĉefurbon de Brazilo sen tiuj du belaj arkitekturaj konstruaĵoj. …. Fakte mi povas aserti, ke dum mia vizito… tiu bloko de LBV ankoraŭ estis konstruata, kaj … mi pensis:”Kiel vivigi tiujn grandajn murojn?” Nur post kelkaj jaroj mi trovis la respondon efektive. Paiva Netto kapablas starigi murojn, kaj ankaŭ vivigi ilin per sia spirito….Fine, indas ĉi tie reaserti la gravecon de la movado esperantista por la Homaro, kaj la fakton, ke Legio de Bona Volo estas unu el la saĝaj organizoj, kiuj laboras por tiu frateca idealo. Mi estas feliĉa, ke LBV pli kaj pli grandiĝas en sia nobla laboro, kaj kunportas Esperanton kiel multobligan elementon.”
De Paiva Netto: Meditadoj El La Animo, estis la unua libro, kiun mi legis de la fama verkisto, estanta ĝi esperantlingve verkita. La libro havas grandan avantaĝon pere de sia bela apero. Sur la abrikoto-kolora kovrilpaĝo oraj kaj nigraj literoj, ankaŭ interne: la, denstekstaj paĝoj estas samkoloraj kun blanka florvico aperanta supre, iaj ornamoj ĉiupaĝe, post la oranĝkoloraj aŭ blankaj inicialoj la nigraj literoj bele ornamas la oranĝkolorajn aŭ blankajn foliojn. La per tekstoj ne tute plenigitaj paĝoj faras nekutima la internon. Sed menciindas krome; ankaŭ la ellevitaj enkadratigitaj unu, du frazoj, la enmetitaj bildoj pri pentraĵoj ĉefe de la Eŭropa pentroarto, kiuj buntas la internajn trezorojn de la libro.
Kiuj kune kun kristalpuraj saĝdiroj de Jesuo, la bone elektitaj citaĵoj de filozofoj, militistoj, literaturistoj, kaj ceteraj famaj homoj de la homaro krom la priskriboj de iliaj vivovojoj faris la libron tre interesa antaŭ mi. Io tamen mankas el la libro: Ni ne scias kiu planis la konstruartistajn miraklojn, kaj kiuj estis la konstruentreprenistoj de tiuj admirindaj konstruaĵoj, kvankam ni scias, ke la ideo por konstrui tiujn, devenas mem de sinjoro Paiva Netto. Mi ne konas la verkaron, surprizas min la raviĝo de la esperantistaro pro la libroj de Paiva Netto. Ja, ĉi librojn povas legi eble nur la t.n.: mezklasanoj de la brazila socio. Ili povas konstati, ke la verkisto skribas pri ĉiu temo laŭvere, bone, kaj nepre semas la ideojn de la amo, kompreno, toleremo, paco, ja la socioj povas evolui nur inter pacaj interrilatoj. Surprizas min, ke la nun 70 jara aŭtoro kiel grandmezure aktivas ankaŭ nun, kaj kiomenergie gvidas sian institutaron, fondaĵojn. Li ne estas modestulo tirante sin en la malantaŭon, ja pri sia laboro li informas pere de siaj libroj eldonitaj multlingve kaj milionnombre al la mondo. Paiva Netto certe ankaŭ per ĉi sia verko – volas montri sian kredon, ke la kulpo punata estos iam. Li esperon donas al la homoj almontrante, ke ankaŭ en Brazilo ege multnombre vivantaj mizeruloj havos feliĉon en la transmondo, kaj la kontraŭhomaraj agantoj (militistoj, ekzekutistoj) gajnos sian punon jam ĉi monde, sed se ne, do en ilia sekva vivo certe, ja laŭ la Diaj leĝoj esprimitaj en la Ekumenismo, la reennaskiĝo bona okazo estos por tio. Paiva Netto metas antaŭ ĉion la moralon, la virton por gardi nian mondon por la estontaj generacioj. Atentindaj estas ankaŭ liaj ŝajne pastraj klarigoj aldonante al la aplikitaj citaĵoj. Por konatiĝi kun la esprimitaj pensoj de la verkisto larĝe konanta la vivdemandojn de la homoj, de la socio, de la pli grandaj religioj de la mondo kaj de iliaj profetoj, mi prezentas la malsupran elektadon.
Bhagavad-Gita (mistika, filozofia poemo en la Mahabharata de la Hinduismo): ”Ekkonas pacon tiu, kiu forgesis deziron.” – Kiam vi komprenas la sencon de abnegacio, tiam vi lernas ami. En tiu momento aŭtentika feliĉo kaptas vian koron” – klarigas la verkisto Paiva Netto.
„Talmudo instruas (en la hebrea lingvo tiu vorto signifas studon, instruon, kio ellaborita estis inter la jarcentoj III-a kaj VI-a)”: „Lernu unue scion, kaj nur poste mem faru.”
„Bona penso konstruas feliĉan popolon; la negativa povas detrui ĝin. Tial estas esence grave prilumi la Animon de ĉiu homo. Ni notu ĉi tiun instruon de la Korano: „Kiel parfumo estas esprimiĝo de floro, tiel same penso estas la parfumo de la spirito…. Plej forta estas tiu, kiu scipovas regi sin en momento de kolero.”
„Konfuceo (551- 479 a. K.) diris: ”Estas malgranda diferenco inter homoj kaj sovaĝaj bestoj. kaj multaj homoj malpliigas tiun diferencon al nenio.” „Antaŭ tiu aforismo de la honorinda ĉina filozofo, sovaĝecon oni povas kompreni kiel leĝon de ferocaj bestoj, sed neniam de homo, kiu sin konsideras estulo racia kaj spirithava.” – klarigis la verkisto.
Kristo diris: ”Per via persistado, vi savos viajn animojn” (Evangelio laŭ Luko, 21:19)
Laŭ Plutarko (46-120) la saĝa greka filozofo: „Kuraĝo ne estas fanfaronado. Ĉiu fanfaronulo estas malkuraĝulo – klarigis la nun sekvantan frazon la aŭtoro. „Vere kuraĝa homo ne serĉas danĝerojn.”
Vortojn de Luc de Clapiers, Markizo de Vauvenargues (1715-1747): ”Ne povas esti justa tiu, kiu ne estas humana.” – jene klarigas Paiva Netto: ”La stato de morala malforteco en la mondo estas tiel granda, ke por estingi perfortecon ekzistas nur unu forta kuracilo: tiu de klopodado por Frata Amo, kune kun Justeco, en Edukado. Pro trio, ekumene spiritualigi instruadon estas potenca kontraŭago kontraŭ agresemo. Se paroli pri la „Sinjorino kun Vidintaj Okuloj”, jen estas ilustra penso de la franca eseisto Luc de Clapiers, Markizo de Vauvenargues.
Abraham Lincoln (1809 – 1865) diris: ”Kiam mi agas per Bono, mi sentas min bone, kiam mi agas malbone, mi sentas min malbone. Jen, mia religio.”
Eli Stanley Jones (1884-1973) profesoro kaj metodista misionisto jene edukis: „Mi ne havas malamon, nek resentojn (…). Malamo estas ia veneno, kiun ni devas forigi de niaj vivoj.”
Pensoj de la aŭtoro: ”Defioj en la ekzistado puŝas nin al sukceso. Sed necesas ankaŭ, ke iuj estu optimismaj kaj grandanimaj, por ne fali inter la ungegojn de detrua egoismo… La paco de la homoj estas ankoraŭ nun la paco de lupoj kaj de kelkaj malprudentaj frenezuloj, kiuj gvidas popolojn sur la Tero. Paco, la vera Paco, naskiĝas unue el la pura koro de Homo… La koro estas mikrofono kaj laŭtparolilo preferataj de homamasoj… La koro fariĝas pli aŭskultema, kiam Amo estas la fundamento de la Dialogo… Paco regos en ĉi tiu mondo nur kiam la Homo fine komprenos kaj akceptos, ke ĝi povos burĝoni nur en sublimiĝinta koro de la homoj. Ĉio cetera estas tio, kion oni daŭre vidas, forte cerbaj ideologioj, laŭmodaj en sia tempo, kies ĝeneralan konsekvencon Vi konas; multe da espero kaj nekontentiga rezulto. Necesas do kunigi cerbon kaj koron… Kiam ni preĝas la Animo spiras kaj fekundigas la homan vivon. Preĝi estas esence, por sennebuligi la horizonton de la koro… Nenio estas pli efekta ol frata alproksimiĝo al la koro de homoj. Ĉio cetera estas burokratio, bona aŭ nebona….Venos iam tago, kiam armiloj fine havos siajn hororajn voĉojn silentigitaj. Ankoraŭ en la Tria Jarmilo, eĉ se tio postulos longan tempon, Homoj komprenos, ke la esenco de povo ne troviĝas propre en ili mem, sed en la spirito de Solidareco, kiu devas kunfratigi ĉiujn homojn. Multo ankoraŭ estas farenda. Do, ek al la laboro! La tempo ne haltas por atendi ies ajn humoron….Karitato estas Paco al ĉiuj kaj Paco al si mem….Rasismo estas maldecaĵo (same kiel sociaj, religiaj, sciencaj aŭ iaj aliaj antaŭjuĝoj). Ĝi vundadas ne nur la penadon de la nigra etno, sed ankaŭ la penadon de blankaj malriĉuloj, de indianoj, de enmigrintoj… Necesas forigi ĝin, ĉar en ĝia interno aperas teruraj specoj de persekutado, kiuj malfaciligas la starigon de Paco sur la planedo….Neniu elvoku la rajton je venĝo, sed je Justeco… Nenio estas pli vera, ĉar venĝo perturbas la Animon de venĝanto, en ĉi tiu aŭ en la Alia Vivo.”
Pietro Ubaldi skribis: ”La granda kvalito de Brazilo, tiu kiu starigas ĝian vitalan funkcion, estas la sento, la koro. En ĉi tiu lando kuŝas la radikoj de tiu disvastiĝado de estimoj, kiujn estras la homa kvalito, kiu poste evoluos kaj estos la plej kapabla sublimiĝo al evangelia amo.”
Laŭ la aŭtoro: „Jesuo estas forta mesaĝo de espero en tempo de grandega seniluziiĝo por multaj homoj.”
Decembro 17, 2013 | Marde | 10h49m | Ĝisdatigita la 22-an de Septembro, je 16h07m
Persona arkivoDipl. inĝeniero Margarita Savova, prezidantino de urba esperanta societo “Libero”, Urbo Ruse, Bulgario.
Dank’ al bona traduko en internacian lingvon Esperanto kaj portalo BonaVolo.com en retejo mi havis la plezuron ekkoni faman grandan brazilan verkiston — José de Paiva Netto. Li estas ĵurnalisto, poeto, radipreleganto, komponisto, erudiciulo, packreinto, humanisto kaj Direktoro-Prezidanto de la Legio de Bona Volo (LBV) kaj fondinto de la Templo de Bona Volo (TBV), unu el Sep Mirindaĵoj en Braziljo, la ĉefurbo de Brazilo, ankaŭ de la Monda Parlamento de la Ekumena Frateco, nominita al 51 loko inter 100 famaj brazilanoj.
En la ĉefa paĝo de la libro “Meditadoj el la Animo” estas montrita, ke estas venditaj 400 000 ekzempleroj de tiu ĉi libro. Krom tio la libro estas eldonita portugallingve. Tio signifas, ke mesaĝoj atingas ĝis ĉiuj homoj sur la tero sen landlimoj. La libro estas luksa belaspekta, kies ĉefa paĝo estas kun oraj kaj nigraj literoj, interne bone ornamita kun oranĝkoloraj kaj blankaj paĝoj, pro tio leganto sentas sin speciala. Gravaj momentoj estas rimarkitaj, ankaŭ estas notitaj malgrandaj biografioj de famaj personoj.
Paiva Netto estas granda spirita instruisto de la homaro. Tio signifas, ke li vidas pli longe kaj pli profunde de siaj nuntempuloj. La Dia mesaĝo kiun transdonis estas lia ŝuldo antaŭ Superulo. Lia tasko estas lumigi la animojn de la serĉantuloj laŭ spirita vojo kaj veki ilian internan potencialon.
La aŭtoro ektuŝas delikate dian peceton en la koro de la homo. Li rigardas la homo ne nur kiel materia estaĝo, sed precipe kiel spirita, ĉar spirito estas pli forta ol la materio.
Paiva Netto predikas oni uzi kristanajn postulatojn — fratan amon, solidarecon, pacon, justecon, paciencon, saĝecon, karitaton, toleremon, ne nur en religio, sed en ekonomio, politiko, filozofio kaj scienco. Li instruas, ke “la Vizaĝo de Dio estas Amo” kaj “Diaj Leĝoj regas la destinojn sur la Tero”. Dio ĉeestas inter la homoj nur tiam, kiam iliaj pensoj, sentoj kaj reprezentoj estas penetritaj de frata amo.
La verkisto donas al la legantoj tro multe da saĝaj pensoj de grandaj tutmondaj personoj — filozofoj, verkistoj, sciencistoj, religiaj savistoj de Antikveco ĝis nuna tempo. Paiva Netto trarigardas plej delikatan parton de la homo — la animo. Laŭ helena filozofo Demokrito “la principo de ĉio estas la atomoj. (...) Animo konsistas el atomoj kaj ne diferencas de menso.” Germana filozofo Goethe skribas “plej malbona homa malfeliĉo estas aktiva nescio”, sed brazila pensulo Alziro Zarur asertas “plej granda homa malfeliĉo estas nescio pri la Dia Leĝo”. Paiva Netto montras, ke “La mondo konos Pacon nur kiam ĝi travivos la Spiritan Amon”. Laŭ Evangelio de Johano 4:24 “Dio estas Spirito” eterna. Jesuo instruas “Vi amu unu alian, kiel Mi vin amas”.
La aŭtoro citas sanktajn skribaĵojn — la Talmudo, Sankta Biblio, Korano. Talmudo instruas “Lernu unue scion, kaj nur poste mem faru”. Korano: “Havu okulojn por vidi kaj orelojn por aŭdi”. Sankta Biblio: “La Sinjoro atente rigardas la vojojn de la Homo kaj konsideras liajn paŝojn.” Laŭ Paiva Netto “Por travivi Bonon sur la Tero, oni devas koni la Leĝaron de la Ĉielo, la Diaj leĝoj, kiuj per Amo kaj Justeco kondukas la Universon.”
Laŭ D-ro Moacir Costa de Araújo Lima, bakalaŭro pri fiziko “Sed ni diris, ke iom post iom materio perdadis sian substancon, lasante lokon al energio. La granda kosma realaĵo estas energio, kaj materio estas ia aparta okazaĵo koncerne ĝin. Kaj novajn formojn de energio oni pli kaj pli malkovras, sinsekve. Kaj pri la nuntempe plej menciata fizikteorio, tio estas, la Kvantuma Teorio? (...) Ŝajnas, ke la homo maturiĝis por interpretigi ĝin.”
La aŭtoro uzas grandskalajn kaj multtavolajn pensojn. Por kompreni liajn riĉajn analizojn ni devas enpenetri al la profundon de liaj epistoloj. La homo kiel kreita de Dio en si havas potencialon krei — la preĝo helpas al tio. Usona evangelisto Billy Graham skribis “Morto ne estas fino, sed komenco de ia nova dimensio de vivo — la eterna vivo. (...) Per Sia resurekto el inter la mortintoj, Jesuo montras — sen ia dubo — ke ekzistas vivo post la morto”.
Laŭ mi Paiva Netto laboras en la altaj niveloj de la spiritualeco, pri Tuta Ekumenismo, trans Senliman Ekumenismon, ĉar ĝi proponas unuiĝon de ĉi tiu mondo kun la Alia. Li instruas nin kia maniere alteniĝi la homaro.
Gejunuloj kantas “Ne uzu drogaĉojn.Vivi estas Plibone!”
El la Redakcio
Decembro 13, 2013 | Vendrede | 8h43m | Ĝisdatigita la 22-an de Septembro, je 16h07m
La legiana muziko Borita Barko estas unu el la multaj rezultoj el lapionira kampanjo de Legio de Bona Volo (LBV) por defendi la vivon: Ne uzu drogaĉojn. Vivi estas Pli Bone! De jardekoj ĝin elpensis ĝia direktoro-prezidanto José de Paiva Netto, kaj tiu iniciato kalkulas precipe je la partoprenado de gejunuloj, cele al konsciigo de la socio pri la vojo al ĥemia dependo.
95-jaraĝa, Nelson Mandela revenas al la Spirita Patrujo
El la Redakcio
Decembro 05, 2013 | Ĵaŭde | 9h06m | Ĝisdatigita la 22-an de Septembro, je 16h07m
La 5an de decembro, revenis al la Spirita Patrujo la iama prezidento de Sud-Afriko, Nelson Mandela, pro pulma infekto. Rolihlahla Madiba Mandela naskiĝis la 18an de julio 1918, en la vilaĝo Qunu, kaj estis la ĉefa reprezentanto en la lukto kontraŭ la apartismo (afrikanse, apartheid) — politika sistemo de rasa apartigo ―, li estis tutmonde konsiderata kiel liberiganto de sudafrikanoj kaj ankaŭ ricevis la Nobelpremion pri Paco. Diplomitiĝinta pri juro, li estis prezidento de Sud-Afriko inter la jaroj 1994 kaj 1999.
Li estas rekonata pro siaj streboj al disvastigo de demokratio kaj al antaŭenigo de packulturo en la mondo. 85-jaraĝa, julie 2004, Mandela anoncis sian retiriĝon de la politika vivo por dediĉi sin al la celoj de pluraj organizaĵoj favorantaj la homajn rajtojn. Li ricevis diversajn internaciajn omaĝojn kaj distingaĵojn pro sia vivo-rekono de batalo por sociaj rajtoj.
EKUMENA FRATECO En 1997, Mandela estis honorita, en Brazilo, per la Medalo de Ordeno de la Merito de la Ekumena Frateco, en la kategorio Hors-Concours. Tiu laŭdindaĵo estas liverata de la Monda Parlamento de Ekumena Frateco, la ParlaMundi de LBV, al tiuj kiuj plej elstaris en sia fako sub la baza principo de Solidareco. Kiel dankesprimon, la iama sudafrika prezidento asertis: “Mi sentas min tre feliĉa kaj honorata per ĉi tiu omaĝo farita de ParlaMundi de Legio de Bona Volo”.
Kaj en 2012, en plenkunsido ĉe la Ĝenerala Asembleo de la Organizo de Unuiĝintaj Nacioj (UN) — dum celebrado de la Internacia Tago de Nelson Mandela* —, reprezentantoj de LBV registris siajn gratulojn al la sudafrikano pro lia 94-jariĝo kaj pro lia agado favore al Paco.
En la Templo de Bona Volo, la Piramido de la Lumaj Spiritoj, la Piramido de la Benataj Animoj, la ĵurnalisto Paiva Netto — fondinto de la monumento — mendis por la Panelo La Evoluo de la Homaro la bildon de Mandela flanke de aliaj gravaj nomoj en la historio de la homaro (el diversaj fakoj) pro lia kontribuo al la socio kaj al la disvastigo de Paco.
Al la eterna spirito de Nelson Mandela, Legio de Bona Volo kaj ĝia direktoro-prezidanto, José de Paiva Netto, direktas la plej sincerajn sentojn pri Paco, etenditajn al la tuta familio.
“Mi revas pri tiu tago kiam ĉiuj personoj leviĝos kaj komprenos ke ili kreiĝis por vivi kiel fratoj.” (Nelson Mandela)
__________________________
* Ekde 2010 oni celebras, je la 18a de julio, la Internacian Tagon de Nelson Mandela. Tiu dato estis starigita de la Ĝenerala Asembleo de UN kaj rilatas al lia naskiĝtago.
Esperantigita de Joseo Tenorjo Revizio de Maria Aparecida da Silva
Decembro 04, 2013 | Merkrede | 9h13m | Ĝisdatigita la 22-an de Septembro, je 16h07m
De 25 jaroj Legio de Bona Volo (LBV) de Portugalio laboras diskonigante Solidarecon pere de sociedukaj agadoj kaj de homa kaj spirita helpo. La laboro de la tiea Institucio atingas edukejojn, apogas samcelajn organizaĵojn kaj plivastiĝas pere de simpozioj, kulturaj ekspozicioj, porsanaj eventoj ktp. Ĉiuj tiuj iniciatoj helpas firmigi la koncepton pri Ekumena Civitaneco, ĉar apoge de la teamo de profesiuloj kaj volontuloj de LBV, la favorato sentas sin kuraĝigita ŝanĝi sian vivon pere de pozitivaj teniĝoj, bazitaj sur la plena ekzerco de la spirita, homa kaj socia solidareco.
Ĉiumonate, pli ol 400 volontuloj agadas en sociedukaj programoj de LBV — ekzemple, en la fako pri buŝhigieno, pere de la programo Feliĉa Rideto; kolektante nutraĵojn per la prgramo Unu Paŝo Antaŭen; en la organizado de ricevitaj donaĵoj, en la spacoj mem de la Institucio, kiel tiu por Aktivadoj en Libera Tempo (portugale ATL); kaj okaze de fratecaj vizitoj petitaj de familio.
En ĝia tasko akompani la favoratojn, kio inkluzivas aktivadojn por motivigo kaj valorigo de la Vivo, kolektiĝas multaj historioj pri persona superado kaj de amo al la proksimulo. Ili okazas tiel ĉe tiuj kiuj estas favorataj per la solidaraj agadoj, kiel ĉe tiuj kiuj volontulas en LBV, ĉar iniciatoj kaj bonaj agoj ŝanĝas ankaŭ la vivon de tiu kiu helpas la Institucion. Kiel la ekzemplo de la emeritino Rosa Orquídea Ferreira, kiu de 18 jaroj volontulas en la urbo Porto. "Mia sperto ĉi tie estas bonega. Ĝi instruis min sindoni, esti humila, ami la aliulojn kaj esence plenumi la Novan Ordonon de Jesuo, nome 'Vi amu unu alian, kiel Mi vin amis'."
Laŭmezure kiel disvastiĝas pliaj tiaj homaj historioj, kreskas la ĝojo de la teamoj de LBV, kaj ankaŭ la certeco pri tio ke ilia laboro faris la diferencon. "Mi konatiĝis kun LBV en momento tre komplika de mia vivo. Mi venis pere de amikino kaj, post mia alveno, neniam plu mi volis eliri!". Tiuj personoj proksimaj al la volontulino Rosa, laŭ ŝi, perceptis ŝanĝojn en ŝia agmaniero. "Ili perceptis multajn ŝanĝojn... mi komencis esti persono multe pli komprenema, facile interrilatiĝanta; nun mi sukcesas superi miajn problemojn kun pli da fido kaj persisto."
La portugalia LBV nuntempe havas ĉirkaŭ 3 mil personojn registritajn en sia centro pri volontulado. Ĉiujare venas pli da personoj pretaj ŝanĝi multajn vivojn al plibona sorto. Tiuj personoj estas akceptataj por lerni labori kiel volontulo, en la urbo Porto. Ĉiuj ricevas informojn pri la sociedukaj programoj, la celoj, la misio kaj la koncepto de la Institucio.
Pri Legio de Bona Volo de Portugalio En Portugalio, Legio de Bona Volo komencis sian laboron en la urbo Porto, en 1989. Danke al la helpo de la portugalia popolo, tiu laboro ne haltis kreski kaj tial pli kaj pli da personoj estas favorataj de ĝia solidara agado. Krom en Porto — kie ĝi komencis agadi en pli granda konstruaĵo en 2010, kio plivastigas la lokajn asistojn —, LBV agadas en Lisbono, Koimbro kaj Brago, inkluzive starigante tutlandajn kampanjojn, kun distingo por la programoj Feliĉa Rideto, Unu Paŝo Antaŭen, Semo Bona Volo kaj Sporto estas Vivo.
Helpu al Legio de Bona Volo helpi necesulon! La tuta laboro realigata de Legio de Bona Volo okazas danke al la financa aŭ volontula helpo de enlandanoj kaj alilandanoj. Partoprenu ankaŭ Vi en tiu movado. Surmetu la ĉemizon de Bona Volo!
Vizitu la adreson www.legionofgoodwill.org kaj per la retejo de la usona LBV faru vian monkontribuon.
Esperantigita de Joseo Tenorjo Revizio de Maria Aparecida da Silva
Legado ekde la unua infanaĝo: stimulo de bona kutimo
El la Redakcio
Aprilo 24, 2015 | Vendrede | 10h46m | Ĝisdatigita la 22-an de Septembro, je 16h07m
Lucian Fagundes
As obras infantis da Editora Elevação são inspiradas na pregação ecumênica do escritor Paiva Netto, que há décadas trata do Evangelho-Apocalipse de Jesus nos mais diversos meios de comunicação.
Ĉe Legio de Bona Volo (LBV), instigo al legado disvolviĝas en ĝiaj Lernejoj kaj Komunumaj Centroj por Socia Asistado. Pere de ĝiaj sociedukaj programoj kaj projektoj, literaturo fariĝas edifa kaj estas stimulata en ĉiuj generacioj, ekde la plej fruaj aĝoj.
En la lernejoj, krom kompletigi la pedagogiajn programojn cele al formado de la edukatoj kun bonkvaliteco, la ŝato-stimulo al libroj okazas ene de procezo envolvanta la edukanton, lernanton kaj familion. Tiamaniere, ĉiuj konscias pri sia rolo por valorigi la klerecon de la edukatoj.
Rilate la bebojn, la infanaj libroj restas disponeblaj en la ĉambro de aktiveco je la atingo de iliaj manetoj, tiel ke ili komence interesiĝu pri la koloraj bildoj. Tiumomente la geinstruistoj kaptas la okazon instrui kantojn kaj aliajn aktivadojn, kiuj helpas al iliaj kognkapabloj.
En la Eduka Infanlernejo Alziro Zarur, de LBV, en la urbo Taguatinga, Brazilo, la instruistino Tatiana Alves reliefigas la gravecon pri tiu stimulo al tiu kiu ankoraŭ ne scipovas legi: “Legado antaŭiras skribadon, tial tio tre gravas ne nur por la infanoj, sed por ni ĉiuj”.
Vivian R. FerreiraŜi klarigas ke je ĉiu semajnfino la iom pli aĝaj infanoj portas hejmen literaturan tekon kun unu libro por legado en familia rondo. La apogo de la gepatroj estas nemalhavebla en tiu procezo, kiel substrekas la edukistino: “Laŭmezure kiel la patro legas por sia filo, kio okazas tie? La unuiĝo inter la familianoj. Ankaŭ la patro akiras konon kaj helpas al la edukado de sia filo”.
La direktorino de la Eduka Infanlernejo Jesuo, subtenata de LBV en Beleno, Brazilo, Margarida Martins rakontas ke tia instigo havigas specialan momenton: la ŝanĝon de kono inter la etuloj. “Unu el la interesaj faktoj estas la transiro de kulturo kaj edukado, ĉar ili portas ankaŭ siajn mondajn travivaĵojn kaj legadojn, kiam ili interpretas la rakontojn, kiujn ili kapablas legi. Tio ebligas la disvolvon kaj lernadon de la infano, ĉar per ĝi pliboniĝas koncentrado kaj skribado”, ŝi klarigas.
La sociedukaj klerigejoj de Legio de Bona Volo havas bibliotekon kaj/aŭ ĉambron por legado, ekipitajn per grandnombraj infan-junulaj publikigaĵoj, kiuj kontribuas al la formado de la edukatoj. La Institucio ankaŭ starigas projektojn kiuj inkluzivas promenojn al literaturaj foiroj kaj momentojn por rakontado de historioj.
En la Komunumaj Centroj, LBV helpas al la kutimo-disvolvo de legado, bona skribado kaj logika rezonado de la infanoj pere de la Ateliero de Sciado, kiu konsistigas la agadojn de la programo LBV — Infano: Estonteco en Estanteco!
Egeziel Carlos Vizitu, enamiĝu kaj helpu al Legio de Bona Volo! Via kontribuo povas plenumiĝi rapide kaj sekure, kio kontribuos al la subteno kaj plivastigo de tiu laboro por plena disvolvo de infanoj, gejunuloj kaj plenkreskuloj. Vizitu la retejon kaj mondonacu nun: www.legionofgoodwill.org.
Esperantigita de Joseo Tenorjo Revizio de Maria Aparecida da Silva
