Indas reliefigi ke la artikolo, unue aperinta en la revuo Bona Volo | Daŭripova Elvolviĝo, speciala publikigaĵo de LBV, vaste resonis inter la partoprenantoj de la ĉi-jara eldono de la Pintkunsido de la Ekonomia kaj Socia Konsilantaro de Unuiĝintaj Nacioj (Ekosok/UN), kiu okazis inter la tagoj 7a kaj 11a de julio en la novjorka sidejo de UN. Per ĝi, la aŭtoro reliefigas la gravan rolon, precipe de virinoj, por defendo de la rajtoj kaj devoj de la Homoj, kaj ankaŭ sian deziron vidi la sukceson de la evento.
Reprodução BVReliefe, reprodukto de la gazeto Heroldo de Esperanto, kie aperis la artikolo “Solidareco kaj homaj rajtoj en la mondo”.
Per alia eldono, la gazeto Heroldo de Esperanto substrekis ke Legio de Bona Volo “efektive estas fenomeno interna al la E-mondo, kaj tial ĝi meritas foje atenton”. Sekve, la gazeto reliefigis mallongan prezenton pri la gvidanto de LBV: “Paiva Netto naskiĝis la 2an de marto 1941, en Rio-de-Ĵanejro. Verkisto, ĵurnalisto, radiokomunikanto, komponisto kaj poeto”.
La Esperanta Fako de Legio de Bona Volo dankas la noblan iniciaton de la prestiĝa Heroldo de Esperanto kaj de tiom da aliaj komunikiloj, kiuj tra la mondo kunhavigas la fratan mesaĝon de LBV.
Juno 13, 2014 | Vendrede | 19h18m | Ĝisdatigita la 22-an de Septembro, je 16h07m
Sub la titolo "Giganta brazila institucio adoptas Esperanton kiel laborlingvon", la ĉefa publikaĵo kaj la oficiala organo de Universala Esperanto-Asocio (UEA), en sia ĉi-jara junia numero, aperigis artikolon pri Legio de Bona Volo (LBV). La iniciatinto estis la redaktoro de tiu revuo, Fabrício Valle, eksa prezidanto de la Federacia Konsilio de Brazila Esperanto-Ligo (BEL) kaj iama redaktoro de la revuo Brazila Esperantisto.
La artikolo prezentas sintezan reporton pri la laboro, kiun plenumas la Organizaĵo en Brazilo kaj eksterlande, kaj reliefigas: “Fundamentita sur spirito de kunlaboro, la agado de LBV sin gvidas per speciala rigardo al la familio kaj al ĝia efektiva partopreno en la socio. Ĉiuj ĝiaj iniciatoj strebas al la plena praktikado de la planeda solidareco kaj ekumenismo, kiuj kunigas kredojn, nekredojn, tradiciojn, etnojn ktp, kiuj ordinare rolas kiel faktoro de apartigo inter la homoj”.
Reprodução BVKopio de la artikolo pri LBV, kiu aperas en la revuo Esperanto en ĝia junia numero de 2014.
La raporto plu diras, ke “de sia fondiĝo LBV rekonas la gravecon de Esperanto, ĝin uzas kiel laborlingvon kaj ĝin rekomendas al ĉiuj per plej diversaj komunikiloj”. Plej grava periodaĵo de Esperanto-movado, la revuo Esperanto celas pritrakti la agadon kaj strategion de UEA por evoluigo de la Zamenhofa Lingvo laŭ tutmonda skalo.
La Esperanto-fako de Legio de Bona Volo dankas al la samideanaj geamikoj, kiuj aktivas en la esperanta movado, pro ilia apogo kaj kuraĝigo cele al disvastigado de la frataj kaj ekumenaj idealoj de tiu brazila Institucio.
Eduki. Konservi. Postvivi. Kiel homoj ankaŭ ni estas la Naturo.
El la Redakcio
Juno 03, 2014 | Marde | 11h11m | Ĝisdatigita la 22-an de Septembro, je 16h07m
Ĉi tiu eldiraĵo de la direktoro-prezidanto de Legio de Bona Volo (LBV), José de Paiva Netto, spegulas la senton ĉeestantan en la laboro disvolvata de la Institucio jam de pli ol ses jardekoj. Per edukado, sociala plivalorigo kaj kampanjoj por konsciigo, LBV formas civitanojn engaĝiĝintajn en la konstruado de pli solidara kaj daŭripova socio. Cetere, investi en la homon por ke li investu en la Vivon tio estas nia ĉefa celo.
Majo 26, 2014 | Lunde | 14h05m | Ĝisdatigita la 22-an de Septembro, je 16h07m
Vivian R. FerreiraLa edukanto Paiva Netto dum akceptado fare de lernantoj el la Supervartejo Jesuo, kiu konsistigas la Edukan Ensemblon de Bona Volo.
La 25an de de januaro 2014, la urbo San-Paŭlo (Brazilo) memorfestis sian 460-jariĝon. En tiu sama tago, la Eduka Ensemblo de Bona Volo, situanta en la ĉefurbo San-Paŭlo, celebris 28 jarojn da aktivadoj favore al infanoj, gejunuloj kaj plenaĝuloj el familioj en situacio de socia risko. Tiu grava spaco de civitaneco estiĝis pro la strebo de ĝia fondinto, la edukanto José de Paiva Netto, direktoro-prezidanto de Legio de Bona Volo (LBV). Unue aperis la Supervartejo Jesuo (1986); poste, la Eduka Instituto (1993) kiu pruntas la nomon de la ĉefgvidanto de LBV, laŭ sugesto de volontuloj kaj kunlaborantoj omaĝe al la elpensinto kaj konstruiginto de la projekto. De preskaŭ tri jardekoj tiu instrucentro estas pliboniganta multajn vivojn pere de Edukado kun Ekumena Spiritualeco*.
La 18an de oktobro 2013, agrabla surprizo ŝanĝis la rutinon de la lernejo kaj de la supervartejo: la vizito de ilia fondinto. En la okazo, li superrigardis la mediojn de la eduka ensemblo, en kiu studas ĉirkaŭ 1500 lernantoj. La akcepto, fare de lernantoj kaj instruistoj, estis markita de emocio pro la entuziasmo povi akompani tie homon de Bona Volo, kiu ĉiam laboras por havigi al popolo vastan asistadon kun kvalito, responde al la materiaj kaj spiritaj necesoj.
La ĉefgvidanto de LBV vizitis diversajn mediojn, kiel la spacon por Infana Edukado, celanta etulojn ĝis 6 jaroj. Li trairis la korton kaj la ĵus inaŭguritan boskon, kun frukto-arboj kaj floroj. La loko estis plena je geknaboj, kiuj ameme salutis lin dum la tuta vizito. La edukistino Geni Bertolin elstaris: “Lia ĉeesto havigis momentojn je forta emocio, kiel tiu kiam la etaj infanoj milde ripozis siajn manetojn sur lia brako, ŝultro, kaj mirigite rigardis al lia vizaĝo”.
La omaĝoj kaj manifestado de dankemo fare de la lernantoj ne ĉesis tie. En la Eduka Instituto, por lernantoj de la baza kaj meza instruniveloj kaj por Edukado de Junuloj kaj Adultoj (EJA), la korto fariĝis pli kolora pro la festo kaj rideto de la lernantoj. En la okazo, li kontrolis la novajn instalaĵojn de la Biblioteko Bruno Simões de Paiva, nun en pli granda kaj moderna spaco. La nomo de la loko estas omaĝo al la patro de la fondinto tiu lernejo. Li stimulis la filon ekde frua aĝo al lego-kutimo. Tie, la pedagogia teamo disvolvas sennombrajn aktivadojn, inter kiuj la Daŭran Programon por Stimulo al Legado kaj Interpretado de Informo. Tiu agado etendiĝas al preskaŭ ĉiuj aĝoj, de la bebovartejo (per uzado de tol-libroj por infanoj) ĝis la eduka programo EJA.
Vivian R. FerreiraEn la Biblioteko Bruno Simões de Paiva, la Grupo de Instrumentistoj kaj la Ekumena Infan-junula Koruso de Bona Volo, konsistanta el tieaj lernantoj, prezentas kortuŝajn komponaĵojn por la ĉefgvidanto de LBV. Dum vizito al la biblioteko, la Grupo de Instrumentistoj kaj la Ekumena Infan-junula Koruso de Bona Volo, konsistanta el tieaj lernantoj, prezentis kelkajn kantaĵojn el sia repertuaro. Inter ili citindas du komponaĵoj de la kreinto de la lernejo: Ami per la Amo de Dio kaj Preĝo por havi Trankvilecon. La koruso prezentis ankaŭ unu muzikon per Libras (Brazila Lingvo per Signoj).
Instruado kun kvalito, arto kaj frataj valoroj kune iras tiel en la aktivadoj de la Eduka Ensemblo de Bona Volo, kiel en la ceteraj sociedukaj centroj de LBV. Pro iniciato de la edukanto Paiva Netto, al la bonegeco de la enhavo aldoniĝas la valorigo de la sento, per kio formiĝas “Cerbo kaj Koro”. Tiu estas la fundamento de la pedagogia gvidlinio kreita de li, konsistanta el la Pedagogio de Amo (por infanoj ĝis 10 jaroj) kaj el la Pedagogio de Ekumena Civitano (por infanoj post 11 jaroj), kiu antaŭenigas novigan manieron eduki, per ia “rigardo trans la intelekto”.
Laŭ la lernantino Geovanna Ribeiro, 16-jara, kiu vizitas la trijaran klason de mezlernejo, ĉiuj valoroj kiujn ŝi lernis fariĝis speciale evidentaj en tiu momento. “Akcepti lin ĉi tie, en la loko kie ni lernas, estis granda honoro. La tago estis kortuŝa kaj certe ĝi restos markita en nia memoro!” Kaj plu diris la junulino: “Mi dankas ankaŭ al li pro ĉi tiu mirinda lernejo, kie oni zorgas pri la formado, krom de la cerbo, ankaŭ de la koro! Kaj ĝuste per tiu formita koro ni humile dankas lian noblan viziton. Lernantoj, instruistoj, kunordigantoj, ĉiuj emociiĝis pro lia energia kaj vibra ĉeesto”.
__________________________ *Ekumena Spiritualeco — Tiu standardo de Legio de Bona Volo ĉeestas en ĉiuj ĝiaj sociedukaj agadoj, ĉar ĝi estas komprenata kiel “lulilo de plej karaj valoroj naskiĝintaj el la Animo, la nesto de emocioj kaj de la racio prilumita de intuicio, la medio kiu envolvas ĉion kio transcendas la vulgarecon de materio kaj originas el la sublimigita homa sentemo, kiel Vero, Kompatemo, Moralo, Etiko, Honesteco, Frata Amo”. Elprenaĵo de la libro Urĝas Reeduki!, kiu fundamentas la edukan gvidlinion de LBV, verkitan de la edukanto Paiva Netto, aŭtoro de pluraj furoraj titoloj, kun pli ol 5,4 milionoj da venditaj ekzempleroj.
Esperantigita de Joseo Tenorjo Revizio de Maria Aparecida da Silva
Majo 26, 2014 | Lunde | 12h18m | Ĝisdatigita la 22-an de Septembro, je 16h07m
shutterstock
Diskutado pri drogaĉoj postulas ĉiam pli grandan amplekson. Krom tio, ke ĝi estas damaĝa al la sano de uzantoj, ankaŭ la elvolviĝon de la socio ĝi malhelpas. Ĉe kampanjoj oni malmulton vidas, kio atentigas pri temoj sociaj, familiaj, profesiaj, psikologiaj, kaj precipe spiritaj, kiujn trafas pli kaj pli granda uzado de tiaj substancoj. En Brazilo, la situacio fariĝas eĉ pli grava, kiam esploroj montras, ke fumkokaino, ekzemple, rilatas ankaŭ al pliiĝo de perforto kontraŭ virinoj. Legu pli en la artikolo “Fumkokaino kaj virinoj”.
Raporto dissendita de Oficejo de Unuiĝintaj Nacioj pri Drogaĉoj kaj Krimo (Unodc), en la jaro 2012, kalkulas, ke ĉirkaŭ 230 milionoj da homoj (5% el la plenkreskinta homaro) en la tuta mondo uzis iaspecan drogaĉon dum la jaro 2010. Ankoraŭ laŭ tiu esploro, po unu el 100 mortoj de plenkreskuloj oni atribuas al tiaj substancoj.
Granda estas la batalado por ŝanĝi tiun situacion. Multaj sociaj organizoj kalkulas je la apogo de la loĝantaro por disvastigi informojn por la necesa konsciigo.
En Brazilo, laŭ Tutlanda Enketo pri Alkoholo kaj Drogaĉoj (Lenad), kiun eldonis Federacia Universitato de San-Paŭlo, en aŭgusto 2012, montriĝis, ke po unu el 10 brazilaj viroj jam provis mariĥuanon kaj ĉirkaŭ 7% el la plenkreskintoj jam uzis ĝin almenaŭ unufoje en la vivo (pli-malpli 8 milionoj da homoj).
Legio de Bona Volo (LBV) de jardekoj disvastigadas sian pioniran kampanjon por defendi la vivon: "Ne uzu drogaĉojn. Vivi estas Pli Bone!". Ĝin elpensis ĝia direktoro-prezidanto José de Paiva Netto, kaj tiu iniciato kalkulas precipe je la partoprenado de gejunuloj, cele al konsciigo de la socio pri la vojo al ĥemia dependo.
LBV alportas al ĉiuj la koncepton pri individua kaj kolektiva respondeco, kaj pri la graveco konservi Vivon, je ĉiu persona elekto kaj sinteno. Por tio, tiu Institucio investas je preventado per prelegoj, atelieroj, surstrataj manifestacioj kaj agado ekster la lernejaj programoj, nome je sporto kaj muziko, en ĉiuj ĝiaj lerno-instalaĵoj kaj en komunumoj, kie ĝi agadas en Brazilo kaj eksterlande. Ĝia agado direktiĝas ankaŭ al gepatroj kaj al ilia atento al gefiloj, al iliaj amikoj, kutimoj, duboj, malfortecoj, frekventataj lokoj, same kiel al TV-programoj, kiujn ili spektas kaj al iliaj preferataj interretejoj.
Laŭ Daiane Pedrosa, soci-asistanto de LBV en la urbo Ribeirão Preto (Brazilo), “familioj estas esence gravaj en preventado kontraŭ uzado de drogaĉoj kaj en konsciigado pri ĝiaj damaĝoj al iliaj gefiloj, kaj estas necese diskuti tiun temon, ekkoni la diversajn specojn de drogaĉoj, iliajn efikojn, cele al plifortigo de batalado kontraŭ uzado de drogaĉoj kaj por plifortigi familiajn ligiĝojn.”
VIVO FOR DE DROGAĈOJ
Akceptite de la Institucio, junulo Rodrigo Santos Nunes sukcesis je sia 17-jaraĝo atingi tion, kion plej multaj brazilaj gejunuloj revas atingi: enveni universitaton. Li loĝis en municipo Itabuna, en ŝtato Bahia (Brazilo), aprobiĝis je abiturienta ekzameno por kurso pri Korpekzerca Edukado, kaj tiel li fariĝis la unua membro de sia familio, kiu frekventas superan kurson.
Tiu junulo partoprenas la programon LBV ― Loko por Kunvivado, kiun organizis Komunuma Centro por Socia Asistado de Legio de Bona Volo. Tiel li trovas sekuran medion, for de drogaĉoj kaj de perforto; tio permesis, ke lia patrino laboru trankvile. “Mia patrino sentas sin sekura, ĉar mi ne ne vagas surstrate, mi ne estas ie ajn, miskondutante, ankaŭ mi ne restas senokupa. Ŝi fidas pri LBV, ĉi tie. Ĉi tie homoj traktas min per maniero, kiel mi ne vidis ekstere. Tiajn amikojn tie ekstere mi ne havis, nur ĉi tie”, li komentas.
Tiu programo proponas al la junulo okazon praktiki sportojn kaj lerni pli multe pri sportokulturo. “Per tio, ĝi malfermis miajn okulojn por la deziro fariĝi instruisto pri Korpekzerca Edukado. Danke al tio, mi submetiĝis al abiturienta ekzameno kaj aprobiĝis. Mi diplomiĝos je Korpekzerca Edukado.” En ĉi tiu nova fazo de sia vivo, Rodrigo havas unu celon: helpi sian familion konstrui pli feliĉan estontecon. “Mi esperas doni pli bonan estontecon al mia patrino kaj al mia patro, al mia familio, por ke ili sciu, ke ne vane mi staris ĉi tie por studi.”
La vojo al preventado kaj batalado kontraŭ uzado de drogaĉoj estas reala kaj efektiviĝas en diversaj regionoj en la mondo, danke al apogo de registaraj kaj sociaj institucioj, krom la apogo de la loĝantaro, cele al strebado al egala elvolviĝado por ĉiuj. Legio de Bona Volo pensas, ke la solvo troviĝas en edukado de novaj generacioj kaj en reedukado de homoj, kiuj jam trapasis siajn travivaĵojn. Pli bona mondo sidas en niaj manoj!
“Ĝis tiu tempo, kiam regos efika instruado, kian ĉiu prudenta homo sopiras, ĉiu nacio suferos la kaptitecon de limigoj, kiujn altrudas senkapableco.” Paiva Netto, direktoro-prezidanto de Legio de Bona Volo.
Esperantigita de Joseo Tenorjo
Revizio de Maria Aparecida da Silva
Instruado de muziko en la lernejoj de LBV: sukcesa agado
El la Redakcio
Aprilo 23, 2015 | Ĵaŭde | 12h00m | Ĝisdatigita la 22-an de Septembro, je 16h07m
Vivian R. FerreiraLa ludaj spacoj konsistas el pedagogiaj ludoj, per kiuj la lernantoj povas disvolvi siajn korpajn, kognajn kaj emociajn lertecojn, kiel koncentriĝo, memstareco kaj ensocietiĝo.
Regule la lernantoj de la Instituto pri Edukado José de Paiva Netto, de Legio de Bona Volo (LBV) situanta en San-Paŭlo, Brazilo, aĝantaj inter 12 kaj 16 jarojn, provludas klasikajn kaj popularajn muzikojn en la Kultura Spaco Idalina Cecília de Paiva, situanta meze de la ĝardenoj de la lernejo-modelo de LBV. La Grupo de Infan-junulaj Instrumentistoj konsistas el neplenaĝaj muzikistoj, kiuj okupiĝas pri lernado de transversa fluto, gitaro, violono, violonĉelo, vjolo kaj klarneto.
Legio de Bona Volo, organizaĵo de la brazila civitanaro, funkciigas enlande kaj alilande edukajn-komunumajn centrojn kaj lernejojn kun bonkvalita instruado celantajn familiojn kun malalta mongajno. Tial, pli antaŭ la postulo de la enlanda leĝaro, la Institucio jam enkondukis la muzikan edukadon kiel lernobjekton en la formado de la lernantoj.
La instruisto Nilton Duarte, kiu lernigas tiun fakon en la Eduka Instituto de LBV kaj gvidas la instrumentistan grupon, klarigas ke, "ekde la vartejo, ni stimulas la infanojn per sonoj kaj ankaŭ per vidado. (...) Mi uzas gitaron, ĉar ĝi produktas sinsekvon da sonoj en la sama tempo; mi uzas ankaŭ bekfluton, ĉar ĝi produktas nur unu sonon per noto".
EKDE LA VARTEJO Aĝantaj nur kelkajn monatojn, la infanoj jam partoprenas ekzercojn por disvolvo de muzika sentumo. "La unua tipo de muziko kiun ni prezentas al la infanoj estas tiu en formo de preĝo, kiu malstreĉas kaj kvietigas la medion, ekzemple la preĝo Patronia, la Ekumena Preĝo de Jesuo*. Poste, ni transiras al ludoj: frapi per la manoj kaj frapi per la piedoj." Li rakontas ke per tiu aktivado oni spertiĝas en farado de muziko kun geamikoj dum gajaj momentoj, tuj praktikante ritmajn nociojn. "Poste, ni preparas la infanojn por la koruso. En tiu stadio, ni prezentas la instrumentojn kaj nociojn pri skalo, notoj, akutaj kaj basaj sonoj", klarigis la instruisto Nilton.
MAPREI-METODO POR MUZIKA INSTRUADO
Vivian R. Ferreira
O Coral Ecumênico e o Grupo de Instrumentistas Infantojuvenis Boa Vontade, alunos do Instituto de Educação José de Paiva Netto, abrilhantaram a cerimônia.
La tuta muzikinstruado en la lernejo de LBV, same kiel la ceteraj enhavoj de la instruprogramo, baziĝas sur la Pedagogio de Amo kaj sur la Pedagogio de la Ekumena Civitano, kiuj formas la novecan edukan koncepton kreitan de la edukanto Paiva Netto. La pedagogia propono de LBV havas sian propran metodologion, nome Metodo de Lernado per Esploro Racia, Emocia kaj Intuicia (portugale MAPREI). Konu iom pli pri tiu metodo.
Por paroli pri korpaj ritmo kaj sonoj al infanoj trijaraj ĝis kvarjaraj, ekzemple, ĉe la unua paŝo, nome Enhava Identigo, oni povas montri la temon per ludoj, helpe de fadenpupoj cele interagigi la infanojn kaj veki ilian atenton al la temo. Ĉe la Individua Konserĉado, la infano prezentas al sia kunludanto iun sonon, kiun ĝi sukcesas produkti per la korpo: frapo per manoj, per la piedoj, kanto k.a.
Rilate Ensociigon de Kono, la infanoj ripetas tion kion unu el la kunludantoj ekfaras, ĝis ĉiuj estos farintaj la samajn sonojn. Ĉe la kvara paŝo, Konkludo, oni grupigas la sonojn laŭ sinsekvo, identigitajn de la instruisto per nomo: "Ni frapu per la manoj. Nun ni frapu per la piedoj". Ĉe la kvina paŝo, Prezento de la Rezultoj, oni memorigas kion ĉiu faris komence de la aktivado, montrante ke ĉiuj partoprenis. Fine, ĉe la Individua Konkludo, ĉiu infano montras al la kunludantoj la sonojn, kiujn ĝi lernis.
Helpu al LBV plivastigi sian laboron! En San-Paŭlo, Brazilo, la Eduka Ensemblo de LBV, konsistanta el la Supervartejo Jesuo kaj el la Instituto pri Edukado José de Paiva Netto, situas ĉe avenuo Rudge, 630/700, en la kvartalo Bom Retiro. Por pliaj informoj, skribu al esperanto@bonavolo.com. Alilandanoj povas kunlabori per la retejo: www.legionofgoodwill.org.
____________________________________________ * Ekumena Preĝo de Jesuo — Legu la artikolon de la ĉefgvidanto de LBV, Paiva Netto, "Venki la suferon de la korpo kaj de la Animo" kaj komprenu la ekumenan proponon de Patronia.
Esperantigita de Joseo Tenorjo Revizio de Maria Aparecida da Silva
Evento pri Edukado debatas pri mobilizo kiel strategio por lernado
El la Redakcio
Majo 23, 2014 | Vendrede | 17h30m | Ĝisdatigita la 22-an de Septembro, je 16h07m
Vivian R. Ferreira
Ao fim do evento, participantes do 13º Congresso Internacional de Educação da LBV confraternizam.
Mobilizado de gelernantoj, en iu ajn projekto, postulas viglan interagadon kaj planadon, kiuj valorigu ilian partoprenon, perceptokapablojn kaj antaŭajn travivaĵojn rilatantajn kun la temoj. Infano, junulo kaj plenkreskulo, kiam enĝaĝitaj en proponita aktivado, fariĝas partoprenantoj de la konstruado de scio.
Tiu strategio por lernado estas la ekmomento, kiu starigas entuziasmon por daŭrigo de la edukaj agadoj, kiujn ili disvolvos. Temas pri la unua etapo de la Lerno-Metodo per Esploro Racia, Emocia kaj Intuicia (portugale, MAPREI), propra metodologio de Legio de Bona Volo (LBV) aplikata en ĝiaj lerneja reto kaj sociedukaj programoj.
Educadores participam da oficina "A arte de despertar para aprender: vencendo dificuldades das necessidades educacionais especiais". A atividade faz parte do 13º Congresso Internacional de Educação da LBV, que tem como tema “Mobilização como estratégia de aprendizagem: uma visão além do intelecto”.
Okaze de ĝia 13a eldono, en la urbo San-Paŭlo (Brazilo), LBV okazigis sian Internacian Kongreson pri Edukado, kies ĉi-jara temo estis “Mobilizado kiel strategio por lernado: ia rigardo trans la intelekto”. La renkonto, okazinta inter la tagoj 30a de julio kaj 1a de aŭgusto, direktiĝis al esploristoj, instruistoj, lernantoj, gepatroj, profesiuloj pri Edukado kaj ceteraj interesatoj. Per ĝi oni celas proponi pedagogiajn prelegojn kaj atelierojn, kiuj helpos al la daŭra formado de profesiuloj pri edukado kaj samspecaj fakoj, favore al instruado kunliganta pedagogian kvaliton kun Ekumena Spiritualeco*, por konstruo de Kulturo de Paco.
Sciu pli pri la pedagogia propono de LBV. Por aliaj informoj, skribu al <esperanto@bonavolo.com>.
_______________________________ *Ekumena Spiritualeco — Tiu standardo de Legio de Bona Volo ĉeestas en ĉiuj ĝiaj sociedukaj agadoj, ĉar ĝi estas komprenata kiel “lulilo de plej karaj valoroj naskiĝintaj el la Animo, la nesto de emocioj kaj de la racio prilumita de intuicio, la medio kiu envolvas ĉion kio transcendas la vulgarecon de materio kaj originas el la sublimigita homa sentemo, kiel Vero, Kompatemo, Moralo, Etiko, Honesteco, Frata Amo”. Elprenaĵo de la libro Urĝas Reeduki!, kiu fundamentas la edukan gvidlinion de LBV, verkitan de la edukanto Paiva Netto, aŭtoro de pluraj furoraj titoloj, kun pli ol 5,4 milionoj da venditaj ekzempleroj.
Esperantigita de Joseo Tenorjo Revizio de Maria Aparecida da Silva
Majo 23, 2014 | Vendrede | 17h12m | Ĝisdatigita la 22-an de Septembro, je 16h07m
Monda Organizo pri Sano (MOS) taksas ke unu en ĉiu ok mortoj en la mondo okazas pro enspirado de polua aero. Datumoj asertas ke malbona aerkvalito pintas kiel medio-riskoj por la sano; kormalsanoj, apopleksioj kaj gravaj, pulmaj obstrukcoj estas la ĉefaj konsekvencoj de poluado.
En la jaro 2012, ĉirkaŭ 7 milionoj da homoj mortis pro aera poluado, duoble pli ol en la antaŭaj prognozoj. Laŭ MOS, tiu estas la ĉefa media kaŭzo de sano-riskoj. La studo montras fortan kunligon inter aera poluado kaj spiraj malsanoj, koraj malsanoj, apopleksioj kaj kanceroj. La nova prognozo baziĝas sur pli bona kono pri la homa kontakto kun la aero kaj pli avangardaj teknologioj por mezuri tiajn datumojn, inkluzive per uzado de satelitoj. Danke al tiaj plibonigoj, sciencistoj povas detale analizi la riskojn por la sano laŭ pli vasta geografia esploro.
"La riskoj de aerpoluado nun estas multe pli grandaj ol oni pensis, precipe rilate al kormalsanoj kaj cerbvaskula akcidento (CVA)", diris Maria Neira, direktorino de la Fako de MOS por Publika Sano, Naturmedio, kaj Sociaj Determinantoj pri Sano. Laŭregione, en partoj de Sudorienta Azio kaj de Okcidenta Pacifiko oni registris pli grandan nombron da mortoj, entute 3,3 milionojn, rezultitaj de interna aerpoluado — kiel en domoj kun brulligna forno — kaj 2,6 milionojn da mortoj asociitaj kun ekstera aerpoluado.
"Malriĉaj virinoj kaj infanoj pagas altan prezon pro la interna aerpoluado, ĉar ili pasas pli da tempo hejme, enspirante fulgojn el karbaj kaj brullignaj fornoj", klarigas Flavia Bustreo, Adjunkta Direktorino de MOS por Sano de la Familio, Virinoj kaj Infanoj.
Por zorgi pri tia malfortika sanstato, tiu kuracisto kaj esploristo receptas investojn je urboplanado, publikaj transportiloj kaj baza medihigieno, kio postulas de aŭtoritatuloj integrajn paŝojn inter ministerioj kaj sekretariejoj. “Mankas iomete kreo de socio protektanta homon. Tiu homo, kiu vivas en urboĉirkaŭaĵoj, kiu devas vekiĝi frue por labori, kiu amasiĝas en netaŭga kolektiva transportilo, suferas konsekvencojn de varmondoj kaj malalta humideco aŭ, se pluvas, devas vadi akvofluaĵojn por elsavi siajn havaĵojn, aŭ trafiĝas de granda kvanto da malpuraĵoj el la medio”, li admonas.
MOS reliefigas ke, per reduktiĝo de la aera poluado, oni povas savi milionojn da vivoj. "Nuntempe malmultaj riskaj faktoroj havas pli grandan influon sur la tutmondan sanon ol aerpoluado; la faktoj atentigas nin pri la neceso de kunordigita agado por purigi la aeron, kiun ni enspiras", substrekis Maria Neira.
Laŭ d-ro Saldiva, post la listigo de demandoj rilataj al kolektiva bonfarto — kiel konsekvencoj de la neebleco plu iri surstrate; de la fakto, ke infanoj ne povas ludi, ĉar la loko taŭgas por pasado de aŭtomobiloj; de la forigado de riveroj kaj parkoj el grandaj urboj kaj enfermado de avenuoj per marĝenaj ŝoseoj, kiuj forigas civitanojn for de natura havaĵo — post tio, eblas pensi pri la speco de urbo, kiun ĉiuj deziras. “Kaj mi ne parolas nur pri estetiko; ni reagas fronte al nia medio... se ĝi estas bona, ni havas pli bonan reagon. Tio rilatas al etiko, al homa digno, al starigo de sano”.
Bonaj iniciatoj koncerne transportoveturilojn
Na capital alemã, para cada mil habitantes há 720 bicicletas e apenas 320 carros. Todos os anos são investidos 5,5 milhões de euros na segurança das ciclovias.
Datumoj el urboj Londono (Britio) kaj Nov-Delhio (Hindujo) indikas malpliigon de homkorpa senaktiveco kaj de loka koncentriĝo de medimalpuraĵoj post stimulado al aktiva sinmovado, nome per biciklo kaj piedirado, kaj post alpreno de motoroj kun malalta eligado de karbono (Woodcock, 2009).
En la brita ĉefurbo, oni kalkulas malpliigon de la okazado de kormalsanoj kaj de cerba iskemio, inter 10% kaj 20%, mamkancero inter 12% kaj 13%, de demenco je 8% kaj de depresio je 5%. En la hinda ĉefurbo, antaŭkalkuloj indikas malpliiĝon inter 11% kaj 25% de registroj de kormalsanoj kaj cerbomalsanoj kaj inter 6% kaj 17% en elspezoj pro diabeto.
(Fonto: “Rekomenda Dokumento pri Sano, San-Paŭlo, C40 2011”.)
Esperantigita de Joseo Tenorjo Revizio de Maria Aparecida da Silva
Speciala omaĝo al tiu, kiun ni amas (Kun Esperanta voĉo)
El la Redakcio
Majo 09, 2014 | Vendrede | 9h14m | Ĝisdatigita la 22-an de Septembro, je 16h07m
Ili havas magiajn povojn
Kaj plej belan hararon...
Ili staras ĉie...
Ili zorgas pri ni,
Kaj estas iuj, kiuj zorgas pri amaso da homoj!
Kaj estas iuj, kiuj helpas konstrui pli bonan kaj pli feliĉan mondon!
Amo. Ni pensas, ke ilia povo devenas de tio.
Ĉu vi scivolas pri kiu ni parolas? Niaj infanoj respondas en la universala lingvo Esperanto!
Sciu kiel la Esperanto-movado elvolviĝas en la mondo
El la Redakcio
Aprilo 28, 2014 | Lunde | 18h10m | Ĝisdatigita la 22-an de Septembro, je 16h07m
Alguns dos esperantistas que marcaram presença na tradicional festa na Oderbruecke Bridge, que ocorreu entre os dias 2 e 4 de maio.
Ponta festo en Germanio kaj en Pollando La partopreno de esperantistoj en la “Ponta Festo” en Frankfurto jam havas plurjaran tradicion. Ĉifoje la kunligita Esperanto-aranĝo okazis dum tri tagoj (la 1a, 2a kaj 3a de majo).
Je la 1-a tago oni aranĝis ekspozicion pri kaj por Esperanto en informstando. Al la ekspozicio ĉefe apartenis libroj, ĵurnaloj, kompaktdiskoj, faldfolioj kaj aliaj interesaĵoj. La libro de la brazila verkisto Paiva Netto (direktoro-prezidanto de Legio de Bona Volo)Meditadoj el la Animo kuŝis en la unua vico kaj ĉiu preterpasanto havis eblecon vidi ĝin kaj foliumi en ĝi. Per tio mi ankaŭ iomete sukcesis informi pri LBV kaj ties rilatoj al Esperanto.
Okazis promenado tra la urbocentro de Frankfurto kun japanaj, hungara kaj polaj gastoj. Sekva programero estis koncerto de Lena Wilke el Schwedt (Germanio) kiu prezentis malnovajn kaj tute freŝajn kantojn.
Um dos estandes do movimento esperantista organizado pelo amigo de Boa Vontade sr. Ronald Schindler (D), especialmente para o evento.
Je la 2-a tago okazis la promenado tra la urbo Słubfurt, kiu estas arta urboprojekto kiu kunigas Frankfurton kaj la najbaran polan urbon Słubice, kiujn nur dividas la rivero Odro. Tie ĉiu partoprenanto ricevis donace grandan kaj interesan libron pri “Nowa Amerika”, kiu estas pli granda regiona projekto laŭ ambaŭ bordoj de la riveroj Odro kaj Niso, inkludante ankaŭ Słubfurton.
Oni preterpasis la plej altan domon en Frankfurto kaj iris al la “Ponta placo”. Sur tiu placo civitanoj de ambaŭ urbojaranĝis areon de diversaj instalaĵoj kiel biciklan itinereton, parolangulon kaj globludejon.
La sekva stacio estis la Collegium Polonicum sur la pola bordo de Odro. Tie i.a. troviĝas la kulturoteko pri Nowa Amerika, en kiu oni kolektas ĉiujn aĵojn, kiuj rilatas al la samnoma projekto. Je la 3-a de majo onidenove renkontiĝis por diskutrondo en la Collegium.
Enciklopedio de Esperanto superas rekordon Virtuala enciklopedio Vikipedio superis la markon de 195.000 artikoloj skribitaj en esperanto. Datumo estis kolektita en la fruaj horoj de la 21a de aprilo. La Internacia Lingvo estas en la listo de 33 lingvoj kun pli ol 100 mil artikoloj. La Esperanto-sekcio estis lanĉita je la 6a de novembro 2001 de usonano Chuck Smith.
Kreita en Aŭstralio la Esperanto-TV Estis kreita en Aŭstralio la Esperanto-TV (ETV). Temas pri televidkanalo, kiu elsendas per interreto programojn en la internacia lingvo. La inaŭgura solenaĵo okazis la 5-an de Aprilo, en la Esperanto-domo en Sydney. La programaro konsistas el intervjuoj, filmoj, muziko, kaj raportoj.
Arquivo BV Itala Kongreso de Esperanto Okazos en Fai della Paganella, Trento, la Itala Kongreso de Esperanto inter la tagoj 23-30 de aŭgusto 2014. La temo: Esperanto kaj novaj teknologioj. La okazaĵo proponas grandan gamon da kulturaj programeroj, inter kiuj la seminario AMO de UEA, gvidota de Stefan MacGill mem; multegajn tuttagajn kaj duontagajn ekskursojn tra la arttrezoroj de la norditalaj urboj kaj tra la naturo de la alpaj montoj kaj lagoj; serion de koncertoj, teatraĵoj, libroprezentadoj, kiuj en si mem estas aparta kongreso. Por pliaj informoj, skribu al fei@esperanto.it
Brazila Esperanta filmo premiita en Ĉinio La filmo "Esperanto geedzigas", reĝisorita de la brazila ĵurnalisto Fabio Monteiro, gajnis la Pekinan Esperanto-Filmfestivalon. La aranĝo okazis je la 30-a de Marto en la kunvenejo de Pekina Esperanto-Asocio. Estis projekciitaj kvar filmoj, nome “La Fina Venk'”, “Esperanto geedzigas”, “La lingvo, kiu ligas” kaj “Similitudes” (Similecoj). La brazila kinematografiaĵo estis elektita de la ĉeestantoj. La konkurso, prezidita de doktoro Rainer Kurz, estis subtenita de Germana Esperanto-Asocio.
