Ili lernas en frua aĝo kaj jam volas kunhavi ĉi tiun konon kun vi: Ni invitis la infanojn por instrui al ni kiel zorgi pri akvo. Konu la opiniojn de infanoj, kiuj reprezentas la esperon pri pli bona estonteco, kaj ankaŭ vi konigu tiun bonan ekzemplon al aliiuloj!

SPEKTU LA FILMETON

"Akvo estas Vivo, sen ĝi ia ajn vivoformo fariĝas neebla. Malpurigi ĝin estas krimo kontraŭ la Homaro".
Paiva Netto

Persona arkivo

La unua eldono de la libro aperis en la jaro 2003 portugale kaj oni vendis ĝin ĝis nun 400 000 ekzempleroj. La esperantlingvan version oni publikigis en la jaro 2011. La ekstera aspekto forte karesas la okulojn de legantoj. Multaj artverkoj ornamas ĝiajn paĝojn tre bele. Por mi tamen la plej valora signifo en la libro estas ĝia teksto, la vorta enhavo. Ofte mi aŭdis la esprimon ekumenismo. Nur nun en la verko de Paiva Netto mi ricevis tre klaran kaj kompreneblan bildon pri ĝia signifo. Antaŭe mi rigardis la menciitan koncepton el mallarĝa kaj limigita vidpunkto.

Meditadoj el la Animo kunportis lumradiojn en mian cerban maŝinaron tiel, ke mi trankviliĝis kaj kapablis akcepti valorajn instruojn por mia vivitinero. Tutmonde konataj ĉiĉeronoj portis torĉon antaŭ mi kaj estis tre facile pilgrimi kun ili. Espereble mi sukcesos ion esencan koncerne la menciitan libron transdoni kaj peri al la legantoj de tiuj ĉi linioj.

LEGU ALIAJN RECENZOJN
- Adrienne Pásztor (Hungario)
- Alicja Lewanderska-Quednau (Germanio)
- Bob Felby (Aŭstralio)
- José Roberto Alves de Albuquerque (Brazilo)
- Julia Sigmond (Rumanio)
- Georgi Mihalkov (Bulgario)
- Lilia Nikolova (Bulgario)
- Magdaléna Feifičová (Slovakio)
- Raita Pyhälä (Finnlando)
- Raymond Brisebois (Kanado)
- Mihai Trifoi (Rumanio)
- Margarita Savova (Bulgario)​

Komence gvidadon en la libro prenis "Jesuo, la Ekumena Kristo, la Dia Ŝtatestro", kiu tute simple diris: "Vi amu unu la alian kiel Mi amas vin." Paiva Netto akcentas, “ke Paco, la vera Paco, naskiĝas unue el la pura koro de homo. Kaj nur Jesuo povas purigi la koron de la Homaro je ĉia malamo, ĉar Jesuo estas la Sinjoro de Paco.” La aŭtoro daŭrigas kaj prezentas tutan faskon de tutmonde konataj pensuloj. Tre alloge ruliĝas la rakontado de Paiva Netto.

Indas mencii kelkajn gravajn nomojn. Abraham Lincoln (1809-1865) fariĝis la 16-a prezidento de Usono. Li skribis: “Kiam mi agas per Bono, mi sentas min bone; kiam mi agas malbone, mi sentas min malbone. Jen mia religio." Nu neniu povus nomi lin senreligiulo. “Vero estas en ni. Ĝi ne aperas el eksteraj aferoj, eĉ se ni tion kredas. Ekzistas ia interna centro, kie loĝas vero, en sia pleneco”, predikis Budho (556-486 a.K.).

Specialan stampon al la esprimado de Paiva Netto donas prezentitaj homoj, gravaj pensuloj el la pasintaj jarcentoj kaj el la hodiaŭo. Eblas mencii nur kelkajn nomojn, ekzemple Sokrato, Konfuceo, Johano Paŭlo la II-a, Muhammad, Sankta Aŭgusteno, Winston Churchill, Marteno Lutero, Francisko el Asizo, Gandhi kaj Lazaro Ludoviko Zamenhof. La longega nomlisto estas bunta kaj varia. Ĝuste tio inspiras kaj vokas por legi kun scivolema kaj varma koro, kiun profunda entuziasmo gvidas.

“Brazilo estas lulilo de espero pri ia socio, en kiu malgraŭ ĉiaj ĉagrenoj, eblos vivi en Paco kun si mem kaj kun la proksimulo”. Profeto Muhammad instruis, ke “plej forta estas tiu, kiu scipovas regi sin mem en momento de kolero". “Preĝado estas nepre necesa por sekureco kaj feliĉo de homoj. (...) Ĉiu homo povas preĝi Patronian. Ĝi ne limiĝas al aparta kredo. Temas pri universala preĝo, laŭ la vasta Spirito de Karitato de la Ekumena Kristo, la Dia Ŝtatestro. Ĉiu homo, eĉ ateisto (kial ne?!) povas eldiri siajn parolojn libere." Tiel gvidas nin Paiva Netto, la ĉefo de la Legio de Bona Volo.

En la jaro 1989 starigitan Templon de Bona Volo vizitis ĝis nun en Brazilo pli ol 24 milionoj pilgrimantoj. Estas necese ankoraŭ substreki, ke vere indas legi kaj trastudi la verkon "Meditadoj el la Animo", kies lumiga fajro gvidas nin al la celo.

"Patro nia, kiu estas en la Ĉielo, sanktigata estu Via Nomo.
Venu al ni Via Regno, plenumiĝu Via Volo, tiel sur la Tero, kiel en la Ĉielo. Nian ĉiutagan panon donu al ni hodiaŭ. Pardonu niajn ŝuldojn, kiel ni ankaŭ pardonas al niaj ŝuldantoj. Kaj ne konduku nin en tenton, sed liberigu nin de la malbono, ĉar via estas la Regno, kaj la Povo kaj la Gloro, por eterne, Amen!"

Pro la tutmondiĝo, la interreto stimulas la kontakton inter personoj el malsamaj mondopartoj. La zorgo pri la ekspono — kiel aperigi fotojn kaj lokojn, kie oni ĉeestas — devas esti konstanta. Ĉu vi distribuus surstrate, ekzemple, flugfoliojn kun viaj personaj informoj kaj fotoj via kaj de via familio? Imagu ke la interreto havas atingeblecon ne nur kvartalan, sed tutmondan. Ĉu ni pensas tion kion ni vere volas diskonigi? 

Bedaŭrinde estas multaj raportoj pri homoj viktimitaj de financaj trompoj, post diskonigo de personaj informoj, kio igas ilin kaptiloj por krimaj agoj. “Kion ni devas fari estas ŝanĝi nian konduton en interreto kaj forviŝi tiun ideon, ke la interreto estas senleĝa teritorio, ke la interreto estas la lando de anonimeco. (...) La leĝoj aplikeblaj ekster la interreto, tiuj ankaŭ validas en la interreto, kaj tio estas kion la homo bezonas havi en menso”, diris la psikologo kaj direktoro de Antaŭzorgo kaj Prizorgado de SaferNet Brazilo, Rodrigo Nejm, dum de la 7a Internacia Kongreso pri Edukado de Legio de Bona Volo (LBV) okazinta en 2009*1.

Inter la diversaj ekzemploj pritraktitaj en sia prelego, Rodrigo Nejm atentigis pri pedofilio, ciferecaj krimoj, enreta delogo, perinterreta ĉikanado, kaj aliaj troveblaj en publikaj spacoj kaj uzataj por malbonaj praktikoj laŭleĝe puneblaj. Tial, en la okazo li atentigis ankaŭ pri la graveco uzi la mondan reton de komputiloj por disvastigi utilajn informojn al la socio. “La personoj neniam povas certiĝi pri kiu estas aliflanke de la retmesaĝo, de babilejo. Personaj fotoj ne devas esti publikigataj surstrate, same kiel en la interreto, sendistinge. Pensi tre bone pri kia informo mi almetu en la interreton. Mi ne povas meti mian adreson, telefonon, familian baptonomon, ĉar tio ebligas al iu ajn personon en la mondo trovi mian adreson, ekzemple”, atentigis la preleganto.

Vivian R. Ferreira

Ankoraŭ pri sekureco en la interreto, ni reliefigas aliajn konsiletojn:
— Komunikiĝu kun edukiteco. Respekto preferendas en iu ajn spaco kaj al iu ajn persono, eĉ al tiuj kiujn ni ne konas;
— Evitu konservi pasvortojn kaj salutnomojn en la komputilo por ne faciligi ŝtelojn;
— Zorgu ĉe elŝuto de dosieroj: ili povas enteni virusojn, nedeziratajn materialojn aŭ esti nelicaj. Kontraŭvirusoj kaj filtriloj povas helpi al la protekto;
— Neniam akceptu ke retpaĝaro instalu programon en vian komputilon kaj elŝutu nenion pri kies origino vi ne estas tute certaj;— Serĉu provizantojn de retkonektoj kaj servojn kiuj disponigas rimedojn de sekureco, kiuj estas etikaj kaj respondecaj. 

RETE KOMUNIKI LA BONON 

Estas ankaŭ multaj homoj kiuj, per la sociaj medioj, stimulas la bonon kaj trovas novajn amikojn pretajn interŝanĝi profesiajn spertojn, solidarajn agojn, konojn favore al la disvolvo de iliaj komunumoj. Okaze de intervjuo al la programo Solidara Socio*2, de Bona Volo TV (Kanalo 20 ĉe SKY), d-rino Juliana Abrusio, brazila magistro kaj fakulo pri Elektronika Juro kaj Interreto, diris: “Ni ne devas havi ian pesimisman aŭ tragedian vidon pri interreto, eĉ spite ĝiajn riskojn. Ekde sia origino, ĝi portis al ni multajn bonfarojn por edukado kaj civitaneco, ne forgesante pri la alproksimiĝo de la personoj. Sekve, ĝi povas esti uzata por diversaj pozitivaj celoj. Sufiĉas ke niaj intencoj estu bonaj”.

Shutterstock

La sociaj retoj cetere fariĝis gravaj iloj por transdono de kono, kulturo kaj eĉ solidareco. Per ili, ni povas diskonigi pensojn, vortojn de paco kaj konsolo, multobligante valorojn kiuj bonfaras al la personoj. Bona sekvinda ekzemplo estas tiu de la junulino Luana Santos, kiu en la Portalo Bona Volo komentis pri sia teniĝo en la interreto: “Kutime mi uzas mian profilon ĉe Fejsbuko ĉirkaŭ kvar foje dum la tago. Mi ĉiam strebas aperigi retmesaĝojn kun frazoj de paco kaj meditado, eldirojn kiuj levas la memestimon kaj bonhumoron, krom indiki eventojn kiuj antaŭenigas la kulturon. Mi ankaŭ aperigas fotojn de bonegajn lokojn, kiujn mi vizitis, kiel indikon por promeno”. 

En sia libro Saĝeco de Vivo, la verkisto kaj edukanto Paiva Netto reliefigas: "Teknologio superas barojn. Sed estas esence ke Solidareco antaŭe disvolviĝu cele lumigi ĝiajn vojojn”. 

_________________________
*1 Inter la tagoj 29a kaj 30a de junio kaj la 1a de julio 2009, okazis en San-Paŭlo (Brazilo) la 7a Internacia Kongreso pri Edukado, de LBV. La evento akceptis edukistojn, fakulojn pri edukado, ŝtatestrojn kaj civitanaron, kiuj debatis la temon “Eduki: ia rigardo trans la intelekto”, kontribuante per ideoj kaj bonaj agoj pri kiel starigi bonkvalitan edukadon. 
* 2 La programon Solidara Socio elsendas Bona Volo TV (kanalo 20 ĉe SKY) de lundo ĝis vendredo, je 3h30, 18h30 kaj 22h30, kaj dimanĉe je 7h30 kaj 22h, (laŭ brazila horzono). Vi povas rete akompani ĉe la Portalo Bona Volo www.bonavolo.com. 

Esperantigita de Joseo Tenorjo
Revizio de Maria Aparecida da Silva