Latinamerika civitanaro debatas agendon pri disvolviĝo de UN por la sekvaj jaroj
El la Redakcio
Novembro 15, 2013 | Vendrede | 17h05m | Ĝisdatigita la 22-an de Septembro, je 16h07m
Bettina Lopez
Montevidéu, Uruguai — Público presente acompanha ciclo de palestras durante o 10º Fórum Intersetorial Rede Sociedade Solidária — 7ª Feira de Inovações, que discute o tema: “Caminhos do futuro para a Educação — O ensino na agenda global de desenvolvimento pós-2015”.
Ĉe la atendo por la sekvaj jarmilaj evoluigaj celoj, Legio de Bona Volo (LBV) okazigas la 10an Intersektoran Forumon Reto Solidara Socio kaj la 7an Foiron pri Novigoj, apoge al la Registara Jarraporto de Ekosok/UN.
La eventoj kunvenigas administrantojn kaj profesiulojn de la civila socio, entreprenojn kaj publikajn instancojn, kaj ankaŭ profesorojn kaj studentojn interesatajn pri la temo, por aktive partopreni en la diskutoj, kundividi konojn kaj starigi partnerecojn, kiuj kunlaboru kun programo celanta la daŭripovan evoluigon en la sekvaj jaroj.
Tiu Forumo okazas inter la tagoj 20a kaj 29a de novembro kaj celas kontribui al la debatoj de la Ekonomia kaj Socia Konsilantaro de la Organizo de Unuiĝintaj Nacioj (Ekosok/UN), en kiu LBV ĝuas statuson de ĝenerala konsultanto ekde 1999. La kolektitaj rezultoj kaj la bonaj praktikoj estos prezentitaj de LBV al Ekosok, dum ties Pintkunsido (High-Level Segment), kiu okazos julie 2014 en la novjorka sidejo de Unuiĝintaj Nacioj.
Tiam oni okazigos aranĝojn en kvar landoj de Latinameriko, en la respektivaj urboj kaj tagoj: Motevideo, Urugvajo (20a); Bonaero, Argentino (21a); Asunciono, Paragvajo (26a); Santa Cruz de la Sierra, Bolivio (29a). La debatojn subtenos la Departemento pri Ekonomiaj kaj Sociaj Aferoj de la sidejo de UN (UN/Desa), en Nov-Jorko.
Por pliaj informoj pri la forumo, skribu al esperanto@bonavolo.com.
Esperantigita de Joseo Tenorjo Revizio de Maria Aparecida da Silva
Esperanta novaĵservo: Sciu kiel la E-movado elvolviĝas en la mondo
El la Redakcio
Novembro 06, 2013 | Merkrede | 11h57m | Ĝisdatigita la 22-an de Septembro, je 16h07m
D-ro Carlos Alberto Alves Pereira okaze de sia vizito al la Templo de Bona Volo.
Prezidanto de Brazila Esperanto-Ligo rezignas sian postenon Je la 1-a de Novembro, la prezidanto de Brazila Esperanto-Ligo (BEL), Carlos Alberto Pereira, rezignis sian postenon. Li asertis, ke tion li decidis pro profesiaj kialoj. Pere de interretaj diskutlistoj, Pereira asertis: “Mi elkore dankas pro la subteno, kiun mi ricevis de la brazila esperantista komunumo, dum preskaŭ unu jaro kiel prezidanto de BEL. Mi ankaŭ dankas al la direktoroj kaj ceteraj kunlaborantoj pro la profitplena sperto kunlabori por la antaŭenigo de nia idealo”. Laŭ la statuto de Brazila Esperanto-Ligo, la postenon devos okupi la vic-prezidanto, Evandro Avellar.
Foiro de Valencio Ĉiujare, esperanto-grupoj partoprenas la Alternativan Foiron de Valencio kiu, de antaŭ multaj jaroj, okazas en la eksrivero, inter la ponto de les Flors kaj la ponto de l’Exposició. Kadro de la programo de la evento oni havas politikajn kaj sociajn projektojn, budojn pri ekologiaĵoj, metiistojn, kaj ankaŭ diversajn prelegoj kaj atelierojn. Ĉi-jare partoprenis, krom esperanto-grupoj de Valencio, sindikato COS, anaro kontraŭ la privatigo de la publika sanservo kaj la kooperativo TUTMONDE.org.
Brazilano estas la nova redaktoro de revuo Esperanto
La redaktan laboron de la Universala Esperanto-Asocio (UEA) transprenos la brazilano Fabricio Valle komence de januaro 2014. Ni reproduktas elprenaĵon de la oficiala nomumo aperita en la Gazetara Komuniko de UEA (n-ro 519):
“NOVA REDAKTORO POR LA REVUO ‘ESPERANTO’
Unuafoje en pli ol cent jaroj, la revuo Esperanto havos sian redaktejon ekster Eŭropo. La brazilano Fabrício Valle estas elektita de la Estraro de UEA por transpreni la redaktoran postenon de Stano Marček, ekde la jarkolekto 2014.
Valle estis unu el ses kandidatoj por la posteno de redaktoro (unu pli ol anoncite en pli frua komuniko). Movadano ekde 1970, li okupis diversajn postenojn en la brazila movado, interalie kiel prezidanto aŭ estrarano de Brazila Esperantista Junulara Organizo (1977-81), oficisto de Brazila Esperanto-Ligo (1996-2001) kaj prezidanto de la Federacia Konsilantaro de BEL (2001-04). Li ankaŭ fondis kaj gvidis propran eldon-entreprenon, Zamenhof Editores, de 1987 ĝis 1995. Lastatempe li okupiĝis pri provoj kreskigi la esperantistan ekonomion kadre de la organizo Intraespo.”
Jubilea kongreso en Japanujo De la 12a ĝis la 15a de Oktobro okazis en Tokio la 100a Japana Kongreso de Esperanto. Laŭ la oficiala retejo, 719 homoj aliĝis. Estiĝis prelegoj, ekskursoj, artaj prezentadoj kaj bankedo. Laŭ la japana esperantisto Harada Tsukuru, temis pri “interesa, amuza kaj bona renkontiĝo”. La koncerto de la franca muzikisto JoMo estis la ĉefa ero de la muzika programo. Li gaje dancigis la homojn. La kantisto Eterne Rima ankaŭ sin prezentis, same kiel tieaj artistoj, kiel Atuto Kitagawa Trio, Noda Junko, Numata Seiya kaj Yomitanzan Kozue. Pri la organizado respondecis Japana Esperanto-Instituto kaj la ok esperantistaj grupoj de la ĉefurbo de Japanujo. La venonta Japana Esperanto-kongreso havos lokon en la la urbo Obama, de la 11a ĝis la 13a de Oktobro 2014.
Premio Ada Sirkorska 2013 al Alicja Lewanderska-Quednau La laboro de virinoj estis rekonita plian fojon en la nuntempaj defioj, kiujn homaro alfrontas por havigi vivon pli feliĉan kaj dignan. En tiu kunteksto, cele plibonigi la vivon de ĉiu homo, la lingvo havas eksterordinaran rolon. Do, pro ŝia senlaca laboro kaj granda dediĉo por la solvo de la lingva problemo, oni ĉijare aljuĝis Premion Ada Sirkorska Fighiera al samideanino Alicja Lewanderska-Quednau.
Derli FranciscoFrateca vizito Antaŭnelonge la veterana esperantisto d-ro Evaldo Pauli fratece akceptis la reprezentanton de Legio de Bona Volo (LBV) en sia hejmo por intervjuo. Inter la diversaj temoj traktitaj, li rakontis pri sia konaktiĝo kun la internacia lingvo, okaze de la periodo kiam la brazilaj esperantistoj transdonis siajn spertojn, kiujn ili akiris ĉirkaŭ la mondo ĉe la Esperanto-movado, kaj alfrontis defiojn por diskonigi Esperanton.
D-ro Pauli naskiĝis la 24-an de Febrero 1925. Li estas brazila filozofo, verkisto kaj emerita profesoro. Li estas bakalaŭro, magistro kaj doktoro en Filozofio kaj bakalaŭro en Teologio. Profesoris en la Federacia Universitato de Sankta Katarino dum tri dek jaroj. Estas membro de la Academia Catarinense de Letras (Sankta Katarina Beletrisma Akademio), Academia Catarinense de Filosofia (Sankta Katarina Akademio de Filozofio), kiun li fondis, Instituto Histórico e Geográfico de Santa Catarina (Historia kaj Geografia Instituto de Sankta Katarino), Brazila Akademio de Filozofio, FAT (Filozofia Asocio Tutmonda), Akademio Internacia de Sciencoj de San Marino, kaj delegito de Universala Esperanto-Asocio. Liaj grandaj kontribuoj al la Esperanto-movado estas en la kampo de kulturo kaj tute aparte de filozofio.
Novembro 02, 2013 | Sabate | 16h25m | Ĝisdatigita la 22-an de Septembro, je 16h07m
Por disvolvi programojn kaj projektojn en la fakoj pri edukado, elvolviĝo sociala, ekonomia kaj daŭripova, pri sano kaj socia komunikado, Legio de Bona Volo (LBV) partneriĝas kun agentoj de la ĉefaj sektoroj de la socio (registaro, entreprenoj socimedie respondecaj, internaciaj organizoj, lernejoj, komunumaj asocioj kaj aliaj organizaĵoj de la Tria Sektoro). Komune la partoprenantoj en tia iniciato estas kunlaborema kaj solidare sin devontigas favore al la bonstato de la aliulo.
En 1994, LBV membriĝis al la Departemento pri Publika Informado de Unuiĝintaj Nacioj (DPI). En 1999, ĝi fariĝis la unua brazila Institucio ĝui la statuson de ĝenerala konsultanto en la Ekonomia kaj Socia Konsilantaro de UN (Ekosok). Dum pli ol duonjarcento da ekzisto, la idealo de Bona Volo ankaŭ inspiras la agadon fare de LBV de Argentino, Bolivio, Brazilo, Paragvajo, Portugalio, Urugvajo kaj Usono, LBV prezentas kaj frate defendas siajn principojn cele kontribui al enkonduko de internaciaj publikaj politikoj. En 2000, ĝi aliĝis al la Konferenco de NROj en Konsultaj Rilatoj kun Unuiĝintaj Nacioj (Congo), kun sidejo en Vieno, Aŭstrio.
Cele plifortigi la voĉon de latinamerika civitanaro en la aferoj de UN, ĉefe en Ekosok, la usona Legio de Bona Volo inaŭguris, en 2010, novan reprezentiĝo-oficejon situantan en Novjorko. Krom tio, tiu oficejo havas kiel taskon mobilizi surlokajn civitanojn kaj anojn de la internacia komunumo por volontuli en la sociedukaj programoj kaj projektoj de la Institucio.
REKOMENDOJ Konu sube la temojn defendatajn de Legio de Bona Volo ĉe Unuiĝintaj Nacioj, kiuj kunhavigas ĝian laboron de pli ol ses jardekoj inter ŝtatestroj, ministraj konsilantoj kaj civitanaj reprezentantoj, pere de dokumentoj kaj publikaĵoj eldonitaj en pluraj lingvoj.
"Scienco, Teknologio kaj Novigo, kaj la potencialo de kulturo por realigo de daŭripova elvolviĝo" — 2013 En la unua semajno de julio 2013 (inter la tagoj 1a kaj 4a), aŭtoritatuloj, membroj-ŝtatoj de Unuiĝintaj Nacioj kaj civitanaj organizoj kunvenis en la Palaco de la Nacioj, en Ĝenevo (Svislando), por la ĉi-jara eldono de la Pintkunsido de la Ekonomia kaj Socia Konsilantaro de Unuiĝintaj Nacioj (Ekosok). LBV, kiu ĝuas statuson de ĝenerala konsultanto ĉe tiu organo ekde 1999, estis invitita malfermi la paroladon de la civitanaro en la evento, kiu debatis pri Scienco, Teknologio kaj Novigo, kaj la potencialo de kulturo por realigo de daŭripova elvolviĝo.
"Forigo kaj prevento de ĉia perforto kontraŭ virinoj kaj knabinoj" — 2013 Tiu estis la temo kiu kunvenigis la membroj-ŝtatojn de la Organizo de Unuiĝintaj Nacioj (UN), fakulojn, civitanaron kaj ceterajn sektorojn interesatajn pri la 57a sesio de la Komisiono pri la Virina Situacio (CSW, angle). La evento okazis inter la tagoj 4a kaj 15a de marto 2013 en la novjorka sidejo de UN, kie LBV prezentis siajn kontribuojn per la revuo BONA VOLO Virino.
"Produktema kapabligo kaj estigo de dungo kiel maniero kontribui al elradikiĝo de malriĉeco" — 2012 Oni debatis tiun temon en la Pintkunsido de la Ekonomia kaj Socia Konsilantaro de la Organizo de Unuiĝintaj Nacioj (UN). Legio de Bona Volo (LBV) partoprenis en la renkonto, kontribuante al la delegitaroj de la membroj-ŝtatoj kun siaj rekomendoj pere de la revuo BONA VOLO (Ekonomia + Socia + Media) en la lingvoj portugala, angla, franca kaj hispana.
Rio+20 — Konstrua Kunlaboro — 2012 En junio 2012, Rio-de-Ĵanejro gastigis gravan eventon pri naturmedio kaj daŭripoveco. Legio de Bona Volo, kiu ekde sia fondo, antaŭ pli ol 60 jaroj, strebas al naturmedia konsciigo, aktive ĉeestis en la Konferenco de Unuiĝintaj Nacioj pri Daŭripova Elvolviĝo, nome Rio+20. La Institucio organizis, helpe de la Departemento pri Ekonomiaj kaj Sociaj Aferoj de la Organizo de Unuiĝintaj Nacioj (UN/Desa), la diskuttemon Konstrua Kunlaboro, kiu kunvenigis entreprenistojn, aŭtoritatulojn kaj delegitarojn de landoj el kvar kontinentoj.
"Povigo de kampara virino kaj ŝia rolo en la redukto de malriĉeco kaj malsato, en elvolviĝo kaj nuntempaj defioj" — 2012 Inter la tagoj 27a de februaro kaj 9a de marto 2012, la ĉeftemo debatita en la novjorka sidejo de la Organizo de Unuiĝintaj Nacioj (UN), dum la 56a sesio de la Komisiono pri la Virina Situacio (angle, CSW), estis "Povigo de kampara virino kaj ŝia rolo en la redukto de malriĉeco kaj malsato, en elvolviĝo kaj nuntempaj defioj". Ĉeestanta en la eventoj organizataj de Unuiĝintaj Nacioj pri la temo, ekde 1995, LBV venigis siajn konsiderojn pri la temo pere de sia revuo BONA VOLO Virino en la hispana, franca, angla kaj portugala lingvoj.
UNUIĜINTAJ NACIOJ KAJ LA CIVITANARO "La neregistaraj organizoj (NROj) aktive partoprenas ĉe la Unuiĝintaj Nacioj (UN) ekde ties kreiĝo en 1945. Ili agadas ĉe la Sekretariato de UN kaj ĉe ties programoj, fondusoj kaj organismoj diversmaniere, inkluzive kunlabore kun la membroj-ŝtatoj. Tiuj NROj kontribuas al diversaj aktivadoj, inter kiuj la diskonigo de informoj, konsciigo, edukado por la evoluigo, antaŭenigo de politikoj, samcelaj praktikaj projektoj, partopreno en interregistaraj procezoj, servado kaj disponigo de teknikaj fakkonoj."
― Elprenaĵo de la eldonaĵo de UN "Labori kun Ekosok: Gvidlibro pri la Konsultanta Statuso celanta NRO-jn", kun kiu LBV kunlaboris en la portugala versio (Legu la kompletan materialon).
Novembro 02, 2013 | Sabate | 16h18m | Ĝisdatigita la 22-an de Septembro, je 16h07m
Familioj atendas esti servataj de la programo Rondirado de Karitato, de LBV.
Buena Vista, Bolivio — Dum periodoj de ĉirkaŭ 2 jaroj, Legio de Bona Volo (LBV) de Bolivio, sin direktas al malsamaj komunumoj aŭ kamparaj regionoj por plenumi sian programon Rondirado de Karitato, per semajna laboro cele al kuraĝigo kaj plifortigo kaj de ĉiu el ili.
Ĉi-foje la favorata komunumo estis tiu Buena Vista — situanta ĉe la 7a distrikto de la urbo El Alto —, kampara regiono kie plej multaj familioj ne havas aliron al bazaj servoj kiel trinkebla akvo, elektro kaj kloakkanaloj.
La inaŭguro de la aktivado-ciklo de la programo de LBV en la komunumo okazis en la monato septembro kaj ĝin ĉeestis volontuloj de la Institucio kaj kelkaj infanoj asistataj de la Infanvartejo Jesuo, de LBV, kiuj prezentis al la publiko la Ekumenan Preĝon Patronia, la Preĝon de la Bona Infano kaj ankaŭ artajn aktivadojn. Pli ol 200 infanoj estis favoritaj kaj ĉiu ricevis nutran pladon, sukon kaj deserton.
Infanoj favorataj de la programo Rondirado de Karitato, de LBV.
Krom en la komunumo Buena Vista, LBV jam agadis en San Anselmo, San Luis, Arco Iris kaj San Miguel. Per la programo Rondirado de Karitato, tiu Institucio kontribuas al la forigo de malsato kaj venigas spiritan apogon kaj kuraĝigajn vortojn al familioj en socia risko. Tiuj aktivadoj okazas dufoje semajne, marde kaj ĵaŭde, ekde la 12h (laŭ loka horzono).
MULTOBLIGO DE BONAJ AGOJ
Legio de Bona Volo de Bolivio helpas familiojn kun malalta mongajno pere de la programo Rondirado de Karitato.La graveco de la Rondirado de Karitato — unua socialasista programo de LBV, estigita la 1an de septembro 1962, en Brazilo —, povas esti pruvita per la plivastigo de ĝia homama laboro. Tiu iniciato originis, pro la forto de Solidareco, la estigon, en la tuta lando, de lernejoj por baza edukado, hejmoj por maljunuloj, Komunumaj kaj Edukaj Centroj kaj kampanjoj por konsciigo kaj socia mobilizo.
En tiuj lokoj, la Institucio disponigas diversajn sociedukajn kaj socialasistajn programojn, kiuj plenumis, nur en 2012, pli ol 10 milionojn da asistoj kaj bonhavaĵoj al popoloj kun malalta mongajno.
Helpu al LBV helpi tiun, kiu plej bezonas! Legio de Bona Volo de Bolivio situas ĉe Calle Asunta Bozo Nº 520 Sector A ― Alto Obrajes, Ciudad de La Paz. Por pliaj informoj, telefonvoku (5912) 2733759. Vizitu la retejon ĉe www.lbv.org.bo.
Esperantigita de Joseo Tenorjo Revizio de Maria Aparecida da Silva
Novembro 02, 2013 | Sabate | 16h15m | Ĝisdatigita la 22-an de Septembro, je 16h07m
Konsiderata grava malobservo de la homaj rajtoj, perforto kontraŭ virinoj kaŭzas enorman malutilon al la socio, krom sin prezenti kiel malhelpo al la progreso mem de iu lando. De nevola geedziĝo ĝis seksa ekspluato, ekzemple, la manieroj kaj niveloj de agreso estas variaj kun damaĝoj ne nur fizikaj, sed ankaŭ psikologiaj, moralaj kaj eĉ posedaj.
La Universala Deklaracio pri Homaj Rajtoj — aprobita kaj proklamita de la Organizo de Unuiĝintaj Nacioj la 10an de decembro 1948 — difinas per sia Artikolo Unua: "Ĉiuj homoj estas denaske liberaj kaj egalaj laŭ digno kaj rajtoj. Ili posedas racion kaj konsciencon, kaj devus konduti unu al alia en spirito de frateco". Tiu regulo estas nemalhavebla kondiĉo por la socia harmonio. Multo tamen ankoraŭ oni bezonas fari por konsciigo kaj pluvivado de tiaj valoroj.
En la jaro 1979, la Ĝenerala Asembleo de Unuiĝintaj Nacioj adoptis la Konvencion pri Forigo de Ĉiaj Formoj de Diskriminacio kontraŭ Virino, kaj, en 1999, starigis la Internacian Tagon por Forigo de Perforto kontraŭ Virino je la 25-a de novembro.
La seksa perforto estas frukto de rilatoj, historie malegalaj, inter viroj kaj virinoj, kio kaŭzas la submetiĝon de la virina loĝantaro. Tial, por ĝin forigi nepras starigi kondiĉojn kiuj garantias egalajn laboroportunojn por ambaŭ seksoj, krom kampanjoj kontraŭ ĉia diskriminacio kaj perforto.
UN Photo/Martine Perret
En Urugvajo, ekzemple, nur en 2011 registriĝis 15.868 plendoj kontraŭ tia perforto. Tiu datumo superas je 133% la nombron de denuncoj registritaj en 2005. Ankoraŭ laŭ la raporto, tia ofendo estas la dua plej denuncita, restante sube nur de la indico pri raboj kaj ŝteloj.
Fronte al tia situacio, registaro kaj civitanaro, pere de entreprenoj kaj neregistaraj organizoj, plenumas agadojn favore al la povigo de virino. Tiustrebe, elstariĝas la laboro disvolvata de Legio de Bona Volo (LBV) en tiu lando. Jam de 28 jaroj en Montevideo, la urugvaja LBV ĉiumonate helpas al pli ol 1.500 infanoj, junuloj kaj plenkreskuloj en unu el la modelaj lernejoj de tiu Institucio, kaj el tiu publiko 50% konsistas el knabinoj kaj virinoj.
En la Eduka Instituto de Legio de Bona Volo, geknaboj aĝantaj inter 6 kaj 10 jaroj partoprenas en la programo LBV — Infano: Estonteco en la Estanteco!, kies celo estas kompletigi la studprogramon de infanoj post la lernohoroj, pere de atelieroj pri muziko kaj fremda lingvo kaj variaj aktivadoj, en kiuj oni transdonas valorojn pri ekumena civitaneco kaj Kulturo de Paco.
Surloke oni disponigas ankaŭ sanservojn. La kuracista konsultejo de LBV, rezulto de partnereco inter la Institucio kaj la Urugvaja Ministrejo pri Sano, havigas senpage al la komunumo konsultojn kaj fakekzamenojn, ekzemple, pri infankuraco, psikologio kaj ginekologio.
VIVHISTORIO: "MI ESTIS NE PLU SOLA" "Dum mia infaneco kaj adoleskanteco mi suferis perforton, sed ĉio malpliboniĝis ĉe mia 18-jariĝo, kiam mi edziniĝis. Dum nia amindumo, ni vivis en fabelmondo, neniam ni diskutis; post la geedziĝo, venis la ŝanĝo.
"Iun tagon, mia edzo envenis hejmen ebria, ekster si. Tiam komenciĝis mia sufero. Mi memoras kvazaŭ ĝi okazus nun: mi demandis kie li estis kaj li komencis kriadi al mi kaj trafis min per bato sur la vizaĝo. Mi estis graveda je sep monatoj, kaj li ŝajne ne atentis pri tio. Mi multe ploris. Poste mi konvinkis min ke tiu estus la unua kaj lasta fojo ke mi estas mistraktita tiamaniere. Sed ne tiel okazis.
"Ni travivis longan periodon sen problemoj ĝis la naskiĝo de nia dua filo. Sekve, li komencis alveni malfrue ĉiuvespere, sen edziĝa ringo kaj kun signoj ke li feste amuziĝis kaj ĝuis la kuneston de aliaj virinoj. Ĉiam la sama afero: diskutoj kaj mistraktoj. Estis malĝojige vidi miajn filojn ĉeesti tiun situacion. Ili vivis timplenaj.
"Mi komencis serĉi helpon. Danke al indiko de policisto, mi konatiĝis kun Legio de Bona Volo. De tiam multaj aferoj ŝanĝiĝis en mia vivo. De la Institucio mi ricevis la atenton kiun mi bezonis. Ĉi tie mi ricevis la apogon de psikologiisto kaj de socia laboristo. Mi povis maturiĝi, ŝanĝi mian pensmanieron, ĉar antaŭe mi sentis min malsupera al aliaj personoj, havis etan memestimon. Ankaŭ miaj filoj komencis viziti la Infanvartejon Jesuo en la Eduka Instituto de LBV. Mi restis eĉ pli feliĉa vidante ilin esti zorgataj kun Amo.
"Estis malfacile forlasi mian edzon, sed pro la fakto, ke mi rigardis miajn infanojn kreski, elvolviĝi en LBV, mi kuraĝiĝis kaj venkis la problemojn. Mi estis ne plu sola. Nuntempe mia filoj kaj mi bone fartas, ni ĝuas normalan vivon.
"Al ĉiuj virinoj, kiuj alfrontas situacion kiel tiun kiun mi travivis, mi diras ke ili ne timu peti helpon. Ĉiam estas amika mano preta helpi. Mi multe kredas je Dio. Li estas mia gvidanto, ĉar Li venigis LBV-on sur mia vojo."
_________________________
* Carmen Lucia — fikcia nomo de domservistino, patrino de tri infanoj, ĉiuj vizitantaj la Infanvartejon Jesuo de LBV, en Urugvajo.
Esperantigita de Joseo Tenorjo Revizio de Maria Aparecida da Silva
Novembro 02, 2013 | Sabate | 16h08m | Ĝisdatigita la 22-an de Septembro, je 16h07m
Nathália Valério
Rio-de-Ĵanejro, Brazilo — Lernantoj de la Eduka Centro José de Paiva Netto kaj gravedulinoj asistataj de la programo Civitano-Bebo, de Legio de Bona Volo (LBV), partoprenis en oktobro en la Kampanjo por Sanigo kaj Infana Civitaneco. La iniciato okazis inter la tagoj 7a kaj 11a sub la kunordigado de la renoma dentokirurgiisto Ariel Apelbaum kaj de la doktorino pri Preventa Dentokuracado kaj profesorino de Federacia Universitato de Rio-de-Ĵanejro (UFRJ), Sonia Groisman.
La favoratoj akompanis diversajn edukajn prelegojn pri kiel oni devas brosi la dentojn. En la okazo, la fakuloj reliefigis la konsekvencojn de nesufiĉa buŝa sano, kio povas atingi aliajn organpartojn, kaŭzante diabeton kaj korvaskulajn malsanojn.
Krom disponigi materian apogon kaj orientadon pri la zorgoj por bonfarto kaj sano de la estonta patrino kaj naskiĝonta bebo, la programo Civitano-Bebo kontribuas al la plifortigo de la amesprimaj kaj familiaj ligiloj. "Mi multe lernis per tiuj aktivadoj. Mi ne sciis ke mia nutrado povas influi la dentaperon de mia filo ankoraŭ en mia ventro", substrekis la estonta patrino Maria Helena da Costa al Superreto Bona Volo pri Komunikado*.
Nathália ValérioD-ro Ariel Apelbaum
En la okazo, d-ro Ariel Apelbaum raportis: "Ni faras pioniran longtempan laboron, esplorante kaj provante difini projekton por ke la infanoj efektive ne bezonu restaŭrigan intervenon. Ni venigas preventon por ke ili konservu belan kaj sanan rideton".
La renoma dentokirurgiisto krome komentis pri sia ĝojo kontribui por la laboro de Legio de Bona Volo: “Mi sentas min flatita, ke mi kunlaboras kun LBV, laboras por tiuj infanoj kaj vidas la rideton kaj ĉion, kion vi faradas por ili. Tio pligrandigas mian amemon, ne nur al LBV, sed al la tuta servado, kiun vi faras, ne nur en Rio, sed en la tuta Brazilo”.
Ravita pri la bonkvalita laboro de tiu Institucio, d-rino Sonia Groisman diris: "La laboro de LBV estas tre bela. Rilate dentokuracadon, tiuj infanoj ĝuas la facilecon havi la asistadon en la lerneja medio, la gepatroj bezonas porti ilin nenien. Tio estas la konstruo de civitaneco, la certeco pri rajto je sano. Tio kion LBV faras estas esence grava".
Helpu al LBV plibonigi la vivon de centoj da familioj. Kunlaboru: www.legionofgoodwill.org. En Rio, la Eduka Centro José de Paiva Netto, de Legio de Bona Volo, situas ĉe avenuo Dom Hélder Câmara, 3059 — Del Castilho. Por pliaj informoj, telefonvoku: (+5521) 3297-7100.
___________________________________ * Super Reto Bona Volo pri Komunikado — ĉi tiu esprimo rilatas al la Komunikiloj 100% Jesuo, kiuj celas disvastigi la fratajn idealojn de la Senlima Ekumenismo: Super Reto Bona Volo de Radio, TV Bona Volo (kanalo 20 de SKY), Reto Edukado kaj Estonteco de Televio — Reeduki, Portalo Bona Volo kaj la publikigaĵoj pri Ekumena Spiritualeco.
Esperantigita de Joseo Tenorjo Revizio de Maria Aparecida da Silva
Solidareco estas efika ilo por egaleco kaj ensocietiĝo
El la Redakcio
Novembro 02, 2013 | Sabate | 16h02m | Ĝisdatigita la 22-an de Septembro, je 16h07m
Malgraŭ la sennombraj streboj individuaj, sociaj kaj registaraj por elradikiĝo de la tutmonda malriĉeco, la afero estas maltrankviliga kaj temo de daŭraj internaciaj debatoj. Krom la neceso nutri korpon, estas necese diskuti pri strategioj por aliro de ĉiuj al sano, loĝado, trinkebla akvo kaj edukado, esencaj elementoj por memsubteno kaj plena elvolviĝo de la homoj. Malegaleco malutilas eĉ pli la scenaron, ĉar malriĉeco marĝenigas sociajn grupojn kaj ĉiamigas ciklojn de perforto kaj diskriminacio, tiel malhelpante harmonian societan kunvivadon.
Fabiana Ambrosio
Tial, de 65 jaroj Legio de Bona Volo (LBV) proponadas kampanjojn por socia mobilizo plus sociedukajn kaj socialasistajn programojn, kiuj kontraŭstaras malestimon al la individuo kaj indiferentecon al ties kondiĉoj. Ĝia propono konsistas en aplikado de valoroj pri Ekumena Spiritualeco*1 en Edukado, kiu igas ĝin efika strategio por investo socia, naturmedia, ekonomia, politika k.a. cele al antaŭenpuŝo de frata kaj egaleca disvolviĝo de la kolektivo, same kiel al konsciigo de la individuo pri la travivado de Ekumena Civitaneco.
Tiel defendas la direktoro-prezidanto de LBV kaj kreinto de la pedagogia gvidlinio de tiu Institucio, la edukanto Paiva Netto: "Amo ne estas malnobligo de korpoj kaj mensoj, sed ja la Forto de Dio aŭ de la Supera Saĝeco (aŭ kiel pensas la ateistaj Fratoj) en ni. Ĝi estas la plej inteligenta Politiko kiun povas koncepti individuo. Kontraŭe, kio venos sur la Teron estos la dolora malo, kiel ekzemple tiu sinmortiga medio-detruado, kiun ni vidas ĉie. Estas necese spiritualigi, kadre de la Ekumenismo de Koroj, la personojn. Nur tiel, kaj kun persisto, la diversaj fakoj de la socio ekvivos harmonie, ne gravas kiom longe oni bezonos atendi por ke tio okazu"*2.
La subtenas Lernejojn, Komunumajn Centrojn de Sociala Asistado kaj Hejmojn por Maljunuloj. Ĝiaj aktivadoj etendiĝas ankaŭ al edukaj projektoj kaj kampanjoj por konsciigo kaj valorigo de la Vivo. Sennombraj estas la infanoj, adoleskantoj, junuloj, plenkreskuloj kaj maljunuloj, tutaj familioj, kiuj ricevas la necesajn rimedojn por ke ili sukcesu evoluigi siajn potencialojn kaj restarigi sin por la konstruo kaj rekonstruo de siaj individuaj kaj kolektivaj historioj.
"NUN MI ESTAS METIISTINO" Akompanu la historion de s-ino Maria Raimunda, el la subŝtato Maranjo, Brazilo, kiu, pere de ĉeestitaj kursoj en la Komunuma Centro de Sociala Asistado de LBV, sukcesis plibonigi sian vivon finance, persone kaj familie:
HISTORIO DE SUKCESO: APOGO AL LA KAMPARA VIRINO
En Bolivio, ĉirkaŭ unu miliono da homoj (aŭ 10% el la loĝantaro, laŭ datumoj de la Popolnombrado 2001) ne havas aliron al edukado. La serĉado fare de bolivia geedza paro cele al plibonaj tagoj por la familio komenciĝis per grava decido. En 2006, Marcela Chura, 38-jara, kaj ŝia kunulo, Jose Mamani, 42-jara, decidis elmigri de sia denaska vilaĝo, en la provinco Omasuyos, por provi la vivon en la distrikto San Miguel, en la kampara regiono de El Alto, urbo je 50 kilometroj for de la ĉefurbo La-Pazo.
Jenny Mancilla
Tie, ili sukcesis akiri terenon kaj, per granda penado, konstruis simplan domon kun stana tegmento kaj kruda terplanko. La loĝejo de Marcela kaj Jose gastigas la paron kaj pliajn sep gefilojn kaj, kiel la plej multaj domoj en San Miguel, ankaŭ ilia domo estis malfirma. En la komunumo, la loĝantoj ankoraŭ suferas pro manko de salubrigo, precipe la netraktado de akvo kaj de kloakkanaloj.
Malgraŭ tiom da malfacilaĵoj, la vivo de tiu familio komenciĝas montri novajn perspektivojn. Ĝis antaŭ kelke da tempo, la sola mongajno venis de porokazaj laboroj de la masonista patro kaj de tio produktita en ilia malgranda plantejo de terpomoj, pli uzata por la subteno mem de la familio, kio eĉ ne sufiĉis, ĉar Jose kutime restis tagojn post tagoj sen laboro. En tiuj okazoj, mankis manĝo sur la tablo.
La situacio de tiu kaj de aliaj familioj en la regiono komencis pliboniĝi, kiam Legio de Bona Volo venigis en San Miguel, en aprilo de la jaro 2012, du gravajn socialasistajn programojn: tiun pri faka kapabligo (alidire, profesiigaj kaj enspezigaj kursoj) kaj la Rondiradon de Karitato. Per ili, LBV de Bolivio plenumas agadojn por socia kaj familia inkluziviĝo, kiuj antaŭenigas la konsciigon pri rajtoj kaj devoj, la percepton de oportunecoj kaj la evoluigon de bonaj komunumaj praktikoj, cele plibonigi la kolektivan vivokvaliton kaj plenumi efektive la plenan civitanecon.
Jenny Mancilla
Laŭ Marcela, la apogo por nutrado de ŝiaj gefiloj estis fundamenta. "Mia edzo ne havas sekurecon en sia laboro, kaj pluraj tagoj pasis sen io por manĝigi miajn gefilojn. Foje, mi povis doni al ili nur glason da akvo kun iom da hordea pulvoro. Post kiam LBV alvenis ĉi tie, dufoje semajne nia tagmanĝo estas garantiita. Ni atendas tre feliĉe ĉiun mardon kaj ĵaŭdon."
Kontenta pro la helpo al ŝiaj gefiloj, tiu kampara virino decidis ankaŭ partopreni en kurso por manfarado de floroj el tolaĵo disponigata de tiu Institucio. Post la unuaj lecionoj, ŝi komencis fari floraranĝojn kaj, per ilia vendo, la hejmaj elspezoj jam fariĝas malpli pezaj. Sekve, Marcela aliĝis al kurso pri straso-muntado kaj, danke al tiu iniciato, ŝi estas produktanta ornamaĵojn, braceletojn, kolĉenojn, orelringojn, ŝlosilingojn kaj mansakojn. Pro ĉio tio, ŝi jam pensas starigi malgrandan negocon.
Malgraŭ sia timemo, tiu bolivia sinjorino ne kaŝas la ĝojon pro la plibonigo en la vivokvalito. "Danke al tiu apogo por la lecionoj fare de la instruistinoj pri manfarado de floroj el tolaĵo, kaj al la kurso de straso, mi faros etan investon por vendi tiujn pecojn okaze de la Tago de Patrinoj, de Amikeco kaj de aliaj datrevenoj. Mi estas tre kontenta havi la panon por miaj gefiloj. LBV, dankon por helpi nin!"
Kunlaboru por la plivastigo de tiu laboro. Rete mondonacu per la retpaĝaro www.legionofgoodwill.org. Por pliaj informoj, skribu al esperanto@bonavolo.com.
1* Ekumena Spiritualeco — Tiu standardo de Legio de Bona Volo ĉeestas en ĉiuj ĝiaj sociedukaj agadoj, ĉar ĝi estas komprenata kiel “lulilo de plej karaj valoroj naskiĝintaj el la Animo, la nesto de emocioj kaj de la racio prilumita de intuicio, la medio kiu envolvas ĉion kio transcendas la vulgarecon de materio kaj originas el la sublimigita homa sentemo, kiel Vero, Kompatemo, Moralo, Etiko, Honesteco, Frata Amo”. Elprenaĵo de la libro Urĝas Reeduki!, kiu fundamentas la edukan gvidlinion de LBV, verkitan de la edukanto Paiva Netto.
2* Elprenaĵo de la furora libro de la verkisto Paiva Netto "Urĝas Reeduki!", en la ĉapitro "La Ekumenismo kiu emociiĝas antaŭ doloro".
Esperantigita de Joseo Tenorjo Revizio de Maria Aparecida da Silva
Oktobro 16, 2013 | Merkrede | 18h57m | Ĝisdatigita la 11-an de Decembro, je 11h27m
Esperanto allogas multenombrajn agantojn, kiuj plej forte strebas por la diskonigo de la Internacia Lingvo. Tio okazas, ĉar ĝi prezentas du aspektojn tre interesajn al tiuj, kiuj lernas ĝin: la lingvan kaj la idealisman, kiu tre identiĝas al tiu de Legio de Bona Volo (LBV) — nome al Paco kaj kunfratiĝo inter tutmondaj nacioj. La karmemora fondinto de Legio de Bona Volo, Alziro Zarur (1914-1979) elstarigis la potencialan progreson de la lingvo de Zamenhof, kaj kunigis ĝin al la agado de la Institucio.
Tial, ekde sia fondiĝo, LBV donas prestiĝon al Esperanto per ĉiuj rimedoj je sia dispono, plenumante unu el siaj celoj: “Batali por la plej granda disvastigado de la internacia lingvo Esperanto, altvalora ilo por la interfratiĝo de la popoloj, laŭ la konsidero ke LBV estas la Esperanto de la religioj, samkiel Esperanto estas la LBV de la lingvoj”.
Laura PedrottiPartoprenantoj en la senpaga ateliero de LBV atente ĉeestas prelegon pri la deveno de Esperanto, informoj pri la lingvo kaj ĝia rolo en la mondo. Sekve, ili ricevis enkondukan lecionon kun praktikaj informoj pri la gramatiko de la lingvo.
Kreita en la unuaj tempoj de Legio de Bona Volo, la Departemento pri Esperanto havas kiel celon diskonigi Senlime Ekumenan mesaĝon de la Institucio tra la tuta terglobo, per uzado de la lingvo internacia kiel pova unuigilo. Tiu vasta koncepto pri Ekumenismo, kiu sin antaŭmetas kontraŭ la diskonigata "interpuŝiĝo de kulturoj" — kiu povas altiri la popolojn al kolosa milito, eble plej damaĝa ol tiu imagebla ĝis antaŭ nelonge —, estas de la ĵurnalisto José de Paiva Netto, direktoro-prezidanto de LBV.
Revuo BONA VOLO
La Institucio jam partoprenis en multenombraj eventoj organizitaj de la Esperantista komunumo en Brazilo kaj en eksterlando; ĝi organizis atelierojn por instrui Esperanton al infanoj, junuloj kaj maljunuloj; kaj ĝi publikigis revuojn kaj librojn celantajn la Esperantistan publikon.
Publikigita en 1988, Meditadoj kaj Pensoj ― Dialektiko de Bona Volo, de la verkisto Paiva Netto, estis la unua libro de LBV presita en la internacia lingvo. La lanĉon de tiu verko elstarigis la revuo Esperanto, oficiala organo de Universala Esperanto-Asocio (UEA), per artikolo de instruisto Jorge das Neves, sub la titolo "Ekumena Brazila Organizo uzas Esperanton”.
Granda apoganto de la diskonigado de Esperanto, la estro de LBV uzas ĝin kiel perilon por praktiki Ekumenismon, kiu laŭ li estas komprenata kiel Universalismo, frateco sen limoj. “Ni aludas al Ekumenismo de Koroj, de bona sento, kiu ne dependas de ordinaraj malsamecoj en la homa familio, laŭ kiu homoj rezonas laŭ sia propra maturiĝo, laŭ la vasteco aŭ malvasteco de sia scio. Tiu Ekumenismo, kiu konvinkas nin ne perdi tempon pro malamo kaj malfekundaj disputoj, sed proponi la manon al falintoj, ĉar nin emociigas la doloro, depreni nian ĉemizon por vesti nudulon, kontribui per resaniga balzamo al malsanulo, protekti orfojn kaj vidvinojn*, scii, ke Edukado kun Ekumena Spiriteco estas esence grava por subtenado de popolo, ĉar Ekumenismo estas Edukado malferma al Paco, por plifortigi nacion (ne por superregi aliajn naciojn), sekve protekti landon kaj la postvivadon en la mondo, kiu nin ŝirmas kiel idojn ne ĉiam bonkondutajn”, li klarigis en la revuo Solidara Socio (7-a eldono), kiun reprezentantoj de LBV alportis al U.N., ankaŭ en Esperanto, ekde la jaro 2000.
Kiel Venki Suferon
Same kiel la revuo Solidara Socio, ĉi-supre menciita, pro iniciato de la gvidanto de LBV, pluraj aliaj publikaĵoj kun la mesaĝo de la Institucio estis tradukitaj al tiu lingvo, kaj ankaŭ ekumenaj preĝoj, literaturaj paĝoj, bibliaj fragmentoj, revuoj, faldfolioj, ĵurnaloj, prospektoj, infanlibroj, inter aliaj. Elstaras krome la kreado de la Portalo Bona Volo, Blogo Paiva Netto kaj la portalo Religio de Dio, en interreto. Krom la verko Meditadoj el la Animo (2011), kies aŭtoro estas la verkisto Paiva Netto, en la jaro 2020, okaze de defia momento por la homaro, dum batalado kontraŭ la pandemio de Kovim-19, estis lanĉitaj tute senpage du bitlibroj en Esperanto: Kiel Venki Suferon kaj 101 Lecionoj pri Spirita Saĝo, kiuj alportis komforton al la koroj de samideanoj en la tuta mondo.
Meditadoj el la Animo
Por la versio en Esperanto de la libro Meditadoj el la Animo, la antaŭparolon subskribis la pola ĵurnalisto, filmisto kaj Esperantisto Roman Dobrzynski. Laŭ ĉi tiu, la aŭtoro estas inda je laŭdoj. La samideano aldonas: “Paiva Netto estas homo, kiu diskonigas Fratan Amon kaj Ekumenismon sen limoj kiel veran vojon por atingi mondan Pacon, kaj ĉi tiuj konceptoj troviĝas en la verko. Tial la aŭtoro de ĉi tiu verko apogas la internacian lingvon, precize pro tio, ke ĝi estas tre simila al la ideologio de LBV por unuiĝo inter nacioj favore al tio, kio estas plej alta en la Spirito de ĉiu iliaj enloĝantoj, se oni flankenlasas ian ajn kialon por disigo aŭ apartigo”.
Por akiri ekzempleron en Esperanto, kontaktu per retmesaĝo esperanto@bonavolo.com aŭ aliru www.paivanetto.com/eo/libroj.
La eksprezidanto de Itala Esperanto-Federacio (FEI) kaj membro de la Komitato de Universala Esperanto-Asocio (UEA), la italo Renato Corsetti, esprimas sian admiron pri tia idealo:“LBV, same kiel Esperanto, laboras por plibonigi la mondon. Dum Esperanto tion faras per maniero kultura kaj teoria, LBV agas en la praktiko, en maniero konkreta, por helpi homojn ĉi tie kaj nun. Sukceson al vi!”.
"Mi kun plezuro legas kaj tradukas la tekstojn de Legio de Bona Volo. Tio estas por mi honora laboro. Ĝia idearo mirinde kunligas idealismon al praktiko. LBV trovis vojon tre oportunan, pri kies taŭgeco neniu bonintenca homo dubus: solidareco super kredodetaloj; homamo super harfendaj fidodiskutoj; edukado kun morala stimulado; socia apogado kun digno kaj respekto."(Paulo Sergio Viana, iama vic-prezidanto de Brazila Esperanto-Ligo [BEL]).
Gelernantoj de LBV omaĝas la Internacian Lingvon per la versio en Esperanto de la tradicia “Ni gratulas al vi”.
_____________________ *Noto de la aŭtoro: “ĉar nin emociigas la doloro, depreni la ĉemizon por vesti nudulon... — Karitataj Agoj rekomenditaj de Jesuo en Lia Evangelio, aparte en la raportoj de Mateo, 25:35 ĝis 45”.
Artikolo aperinta en revuo BONA VOLO, eldonnumero 65, lanĉita okaze de la 94-a Universala Kongreso de Esperanto, en Bjalistoko, Pollando.
Oktobro 16, 2013 | Merkrede | 18h52m | Ĝisdatigita la 22-an de Septembro, je 16h07m
Ĉirkaŭ meze de la 19-a jarcento Pollando trapasis periodon de rasbataloj, pligravigitaj per lingva kaj etna miskomprenoj fare de loĝantoj de tiu regiono, kiu ĝis tiam estis parto de la antikva rusa imperio. La interkomunikado apenaŭ ebliĝis, ĉar oni parolis kvar apartajn idiomojn (la polan, rusan, germanan kaj jidan) kaj oni praktikis la plej malsamajn morojn kaj kredojn.
La neceso forigi malamikiĝon inter tiuj etnioj instigis la kuraciston kaj lingviston Lazaro Ludoviko Zamenhof (1859-1917), de Bjalistoko, en Pollando, krei lingvon rapide lerneblan kaj alireblan ne nur de kleruloj, sed ankaŭ de la popolo. Dotita per volforto por diskonigado de homama idealo, Zamenhof elpensis la planlingvon plej multe parolatan en la mondo nuntempe, nome Esperanto.
Iom post la lanĉo de la unua gramatika broŝuro de la nova lingvo, titolita La Internacia Lingvo, en 1887, la nombro de esperantistoj kreskis, same kiel la verkoj, kiuj ekbaptis la lingvon kiel Esperanto. El Eŭropo ĝi trairis Azion ĝis atingi Amerikon. Grava momento por tiu ekspansio registriĝis en Francio, en 1905, kiam okazis la 1-a Universala Kongreso de Esperanto.
Jean Bosco Malanda, la fondinto de Asocio Solidareco kaj Agado, en Demokratia Respubliko Kongo, atentigas pri la esperantistaj idealoj kiel sekvinda vojo por komprenado inter la popoloj: “Entuziasmaj esperantistoj vekiĝis en Afriko ĉirkaŭ 1990. Bedaŭrinda, preskaŭ en ĉiu e-lando okazas konfliktoj kiuj ege bremsas la movadon en Afriko. (...) La granda defio estas, sen forgesi la nestabilan situacion, starigi vivantajn landajn asociojn”.
Ekde 1954, la idiomo estis rekonita de Organizo de Unuiĝintaj Nacioj pri Edukado, Scienco kaj Kulturo (Unesko) kaj en 1985 la sama organizo rekomendis ĝian disvastigon inter siaj ŝtatoj-membroj.
El Aŭstralio, la redaktanto de Tamen Plu, esperanta informilo, Robert Felby, apogas la rekomendon, asertante, ke nepras kapabligi la individuojn por la unuiĝo cele kontentigi la bazajn necesojn de unuj aliaj: “Ni devas zorgi, ke ĉiuj ricevu sufiĉe da manĝaĵo kaj vestaĵoj. Ke manku nenio al iu ajn. Ni, homoj, havas multajn devojn farendajn. Ni devas kapabli paroli pri la solvo de la problemoj de la mondo, kaj por tio ni bezonegas internacian lingvon, kaj mi proponas Esperanton, ĉar ĝi estas neŭtrala!”.
Evidentiĝas, ke lerni Esperanton, antaŭ ol lerni alian lingvon, rapidigas kaj plibonigas ies lernadon, fenomeno konata kiel propedeŭtika efekto. Pri tio, sin esprimas la prezidanto de Itala Esperanto-Federacio kaj membro de la Komitato de Universala Esperanto-Asocio (UEA), Renato Corsetti, por kiu la lingvo ankaŭ estas “ilo por meti homojn sur la saman nivelon je monda skalo. Per Esperanto ne plu estas grandaj kaj malgrandaj popoloj, kulturoj kaj lingvoj. Ni ĉiuj estas egalaj”.
Esperantaj simboloj
Verda stelo Tradicie la kvin pintoj reprezentas Amerikon, Eŭropon, Afrikon, Azion kaj Oceanion. La verdo simbolas esperon. La plifirmiĝo de la stelo kiel simbolo de Esperanto datiĝas de la lastaj jaroj de la 19-a jarcento.
Flago La flago estas plivastigo de la verda stelo, prenante la saman koloron kaj signifon kaj aldonante la blankon por reprezenti pacon kaj neŭtralecon. Komence ĝi estis la flago de la esperanta klubo de Bulonjo-ĉe-Maro (Francio). Oni disvastigcele adoptis ĝin en tiu urbo profite de la 1-a Universala Kongreso de Esperanto, en 1905.
Jubilea simbolo La jubilea simbolo reprezentas la idealon de la lingvo: kunfratiĝo de ĉiuj. La du flankaj duonoj reprezentas la latinan literon E (Esperanto) kaj la cirilan Э (Эсперанто), simbolante la unuiĝon de Okcidento kaj Oriento.
Oktobro 16, 2013 | Merkrede | 18h44m | Ĝisdatigita la 04-an de Juno, je 15h41m
Vivian R. FerreiraTAGUATINGA, DF — La eduka gvidlinio de LBV konsistas el la Pedagogio de Amo kaj el la Pedagogio de la Ekumena Civitano, pedagogia propono fare de la edukanto Paiva Netto. Ĉe la Pedagogio de Amo, aplikata en la Eduka Centro Alziro Zarur, oni celas infanojn ĝis 10-jaraj, per la kunligo de sentemo kun la kogna disvolviĝo de la etuloj.
Edukisto Paiva Netto nomis sian pedagogian proponon per du nomoj, cele al malsamaj aĝogrupoj. La graveco uzi du nommanierojn praviĝas pro la konstruado de intelekta scio, aldone al homvaloroj kaj sentoj, laŭ la apartaj bezonoj, aspiroj kaj eblecoj, dediĉataj al ĉiu aĝogrupo.
Pedagogio de Amo Ni mencios Pedagogion de Amo, kiam ni parolos pri la agadoj ĉe infanoj ĝis 10-jaraĝaj, konsidere al la ŝokaj frapoj de la nuntempa situacio, kiam agresemo (kiel perforto korpa/seksa kaj emocia) trafas multajn viktimojn. Estas oportune emfazi, ke sentoj devas ligiĝi al elvolviĝo de inteligenteco ĉe la etuloj, tiel ke karesemo kaj estimo ne limiĝu nur al bona traktado ene de familio, sed atingu ĉiajn mediojn en ilia vivo, inkluzive de lerneja medio, kun atento al tia aĝo, kiam infanoj estas plej sendefendaj en sia infana mondo.
Pri la agado por etuloj, edukisto Paiva Netto asertas: "(...) Estimo, kiu inspiras nian Pedagogion, se oni konsideras ĝin en plej alta senco, estas ne nur ia altspirita sento, sed politika strategio, same konsiderata laŭ ties plej alta signifo, kongrue kun Socia Justeco, kiel strategio por postvivado, rilate la individuojn, popolojn kaj naciojn. Homoj – do, civitanoj, interalie esperplenaj gejunuloj – estas multe pli ol sako da karno, ostoj, muskoloj, nervoj, sango. Ili amas kaj suferas. Ili revas, deziras, konstruas, elreviĝas kaj, malgraŭ ĉio, ili plu antaŭeniras... Ili meritas, krom leĝoj, respekton, por ke tiuj leĝoj neniam fariĝu mallumaj privilegioj, sed plenumiĝu, favore al ĉiuj. (...)"
Vivian R. FerreiraSÃO PAULO, SP — Por la lecionoj pri Sciencoj, Biologio kaj Kemio, la gelernantoj disponas je faka laboratorio, kio praktike kontribuas por la lernado. Kadre de sia infrastrukturo, tiu LBV-lernejo enhavas ankaŭ komputilejon, aŭdvidajn ĉambrojn inter aliaj ejoj, kiuj favorigas la edukatojn.
Pedagogio de Ekumena Civitano Pedagogion de Ekumena Civitano oni aplikas je edukado de adoleskantoj, gejunuloj kaj plenaĝuloj, per inkludado de Baza Edukado, de EJP (Edukado de Junuloj kaj Plenaĝuloj) kaj de sociedukaj programoj de Legio de Bona Volo (LBV). Ĝi investas je kompleta formado de edukatoj, konsiderante ilin kiel Bio-psiko-sociajn Spiritojn. Ĝi baziĝas sur valoroj naskitaj de Universala Amo, kaj preparas homojn por travivado de Ekumena Civitaneco, per plena praktikado de Solidara Socio, havante kiel modelon la senmortan instruon de la Ekumena Kristo, la Novan Ordonon, de Li lasitan: "Amu unu la alian kiel Mi amis vin".
Paiva Netto klarigas: "(...) Nia laborilo, do, por starigi Ekumenan Civitanon (religiohavan aŭ ne), estas ĉi tio, kion ni devas nepre posedi: universalisma spirito, kies perilo estu Solidareco, kiu prilumas mensojn kaj sentojn. Ni ĉiuj loĝas en unu sola, grandega loĝejo, nome sur la Tero. Se ni ne paŝos direkte al interkompreno, kie ni estonte vivos, se ne flankenŝoviĝos la frenezaj egoismo kaj troavido, en ĉi tiu Planedo, en la nuna tempo de tutmondiĝo? Tutmonda socio signifas samgradajn kontentecon aŭ suferojn. Ĉi tio estas matematika. (...)".
Esperantigita de Paulo Sérgio Viana Revizio de Maria Aparecida da Silva
