Antaŭ 59-jariĝo en la urbo Rio-de-Ĵanejro, Brazilo, la 29an de junio, en la tago dediĉata al la memoro de Sankta Petro kaj Sankta Paŭlo, 15-jara junulo definitive eniris la vojon dediĉatan al praktiko de Bono, decidite labori ĉefe favore al tiuj plej suferantaj pro korpo-doloroj aŭ pro animo-afliktiĝoj. La dato ne povus esti pli konvena pro la notinda vivago de tiuj apostoloj cele al disvastigo de Kristanismo: Petro estis la unua ekzemplo ĉe la naskiĝanta fido kaj tiu, kiu plenumis la unuan kuracon sekvante la mision de Jesuo, la Ekumena Kristo; kaj Paŭlo helpis al la tutmondigo de la Bona Novaĵo, venigante ĝin al la nacianoj.

Sub la inspiro de tiuj du misiistoj, José Simões de Paiva Netto, naskiĝinta la 2an de marto 1941, en Rio-de-Ĵanejro/RJ, lernis senhezite sekvi la ĝustan vojon, ekde la unua konatiĝo kun sia misio. Kiam en 1956 li aŭkultis la predikon de Alziro Zarur (1914-1979), fondinto de Legio de Bona Volo (LBV), li identiĝis kun la pionira interreligia movado diskonigata de la karmemora radikomunikanto, per la Movado de la Amikiĝintaj Religioj, kaj li decidis partopreni en tiu Idealo.

- Vidu fotogalerion
- Aliru al la Oficiala retejo de Paiva Netto

Pri sia debuto en LBV, Paiva Netto rememoras: "En 1953, en Rio-de-Ĵanejro, kiam mi estis 12-jara, mi ricevis de iu bela kaj nigra sinjorino libreton eldonitan de LBV. Post tri jaroj, en iu mateno, mi vekiĝis kun forta volo ŝalti la radiaparaton. Kiam mi faris tion, mi aŭskultis, per la radio Tamoio [poste ĝi fariĝis Mundial], la kortuŝan muzikaĵon de Joseph Möhr (1792-1848) kaj Franz Grüber (1797-1863), Sankta Nokto: tiam estis la 29a de junio 1956. Surprizita, mi demandis: Panjo, kristnaska muziko en junio?! Sekve, Zarur komencis legi la tekston pri la Evangelio de Jesuo, laŭ Luko, 2:14, per kiu la Anĝeloj anoncas Lian Ĉielan Naskiĝon: 'Gloro al Dio en la Supera Alto kaj Paco sur la Tero al Homoj de Bona Volo!'. Aŭdinte liajn klarigojn, mi tuj diris decide: Panjo, jen tiu kiun mi sekvos!".

Arquivo BV

Kaj li reliefigas: "Mia koro estis vekita al tiu Sublima idealo. Kaj en tiu sama tago, kie oni omaĝas al Sankta Petro kaj Sankta Paŭlo, mi prenis mian biciklon kaj volonte iris al la stratoj peti helpon por la Institucio".

Cele tute sin dediĉi al la Verko, Paiva Netto flankenlasis la emon al medicino. Kaj ekde tiu 29a de junio li volontule ekkunlaboris al la Institucio, realigante, eĉ piede, kampanjojn por aĉeto de la antikva Rádio Mundial ─ kiu fariĝis poste Elsendanto de Bona Volo, de 1956 ĝis 1966 ─, kaj helpante al la Konstanta Kristnasko de Legio de Bona Volo, per kio oni venigas ĉiutagan helpon al la popolo. "Kiam mi malkovris, ke Zarur estas arabdevena (S-ino Ássima, lia patrino, estis siriano kaj la patro, Elias Zarur, libanano) kaj ke la unua ambasadoro de LBV estas judo nomata Jacques Aboab, mi pensis: Tiu homo scias kion li faras. Li ne ŝercas. La afero estas serioza! (...)"

Modela lernanto

Ankoraŭ dum infaneco, li interesiĝis pri libroj, tre instigata de la ekzemplo de la patro, Bruno Simões de Paiva (1911-2000), kaj al la aliulo havis ian zorgon, helpante la patrinon ─ Idalina Cecília de Paiva (1913-1994), kiu praktikis flegadon ─, ĉe sukurado al malsanuloj kaj ĉe akcepto de kiu ajn frapanta je la dompordo serĉe de helpo. Li diplomitiĝis en unu el plej tadiciaj lernejoj en Brazilo, nome Kolegio Petro la Dua, en la ĉefurbo Rio-de-Ĵanejro, kie li estis modela lernanto — poste omaĝita de la institucio per la titolo Eminenta Lernanto. Jam en tiu epoko li montris neordinaran talenton por estreco.

Omaĝo

Ĉie respektata, la ĉefgvidanto de LBV konservas tian saman junan spiriton, pioniran kaj entrepreneman, kia ĉe lia alveno al LBV, celanta la disvolvon de ia socio pli justa kaj solidara. Senlaca, José de Paiva Netto fundamentas siajn agadojn sur la sindevontigo al la popolo, nome venigi konon, oportunojn kaj, super ĉio, la helpon por la korpo kaj por la Spirito.

Daniel Trevisan

Tial, en tiu ĉi 29a de junio 2015, la omaĝojn al la ĉefgvidanto de Legio de Bona Volo.

Esperantigita de Joseo Tenorjo
Revizio de Maria Aparecida da Silva

LERNEJOJ

La lernejoj de Legio de Bona Volo (LBV) havas la mision eduki per Ekumena Spiriteco*, elvolviĝante “Cerbon kaj Koron”, t.e., intelekton kaj senton. La aktivecoj ampleksas ĉiujn stadiojn de lerneja instruado — ekde infanedukejoj ĝis mezlernejoj —, kaj ankaŭ la Edukadon de Junuloj kaj Plenkreskuloj (EJP, portugale).

 

MALJUNULEJOJ

Estas tri la instalaĵojn de LBV de Brazilo. Ili akceptas maljunulojn sen referencoj kaj/aŭ disigitaj de siaj familioj. La tuto da agoj inkluzivas prizorgadon socialan kaj nutran, kuracistan kaj flegistan asistadon, kaj okupterapion.

 

KOMUNUMAJ CENTROJ DE SOCIALA ASISTADO
En tiuj instalaĵoj, individuoj en situacio de vundebleco kaj socia/persona risko partoprenas agojn kaj programojn, kiuj disvolvas iliajn kapablojn, talentojn kaj moralvalorojn. Tiamaniere, ili povas pli efike praktiki siajn rajtojn kaj devojn, plialtigante sian memamon kaj (re)enirante la socion kaj la labormerkaton.
 

En la unua semajno de julio 2011, Legio de Bona Volo (LBV) partoprenis en la Kunsido de la Supera Instanco de la Ekomonia kaj Socia Konsilantaro de Unuiĝintaj Nacioj (Ekosok), en la sidejo de UN en Ĝenevo. Legio de Bona Volo, kiu havas statuson de ĝenerala konsultanto ĉe Ekosok, prezentis rekomendojn por plibonigo de la internaciaj politikoj pri edukado surbaze de siaj pli ol 60-jaraj spertoj per oferto de bonkvalita instruado kiel instrumento de malriĉeco-superado.

Krom la oficialaj deklaroj tradukitaj al la ses lingvoj de UN, la brazila Institucio organizis debatkunsidon pri la temo "Bonkvalita kaj justa Edukado: intersektora defio por atingi la Jarmilajn Evoluigajn Celojn". Krome, la Institucio gvidis la prelegon "Bonega Edukado superas mizeron: Kiel formi la kompletan civitanon por la Solidara Socio". La reprezentantoj de Legio de Bona Volo prezentis en la kunveno de UN la travivaĵojn ĉirkaŭ la Pedagogio de Amo kaj Pedagogio de Ekumena Civitano, kiu konsistigas la apartan edukan gvidlinion, kiun la Institucio aplikas en siaj lernejoj en sep landoj, kaj kies rezulto estas multnombraj sukcesaj vivhistorioj.

Cetere, la temo estis vaste diskutita dum la 8a Intersektora Forumo Reto Solidara Socio (8a IFRSS) — 5a Foiro pri Novigoj, realigita de LBV en pluraj enlandaj urboj, kaj ankaŭ en Argentino, Paragvajo, Urugvajo, Bolivio, Portugalio kaj Usono, kun la partopreno de diversaj sociaj grupoj, organizaĵoj de la civila socio, registaraj instancoj, akademianoj kaj entreprenoj. La intersektoraj aktivadoj kalkulis je la apogo de la Centro pri Informado de Unuiĝintaj Nacioj por Brazilo (Unic Rio) kaj je la subteno de la Departemento pri Sociaj kaj Ekonomiaj Aferoj de UN (UN/Desa), reprezentita de d-ro Andrei Abramov, kiu venis el la usona sidejo, en Novjorko, krom la apogo de aliaj agentejoj kaj fondusoj de UN en Latinameriko. En la Kunsido de la Supera Instanco, la Institucio prezentos la rezultojn de la 8a IFRSS, kiel la proponoj kaj rekomendoj de la partoprenintoj (identigitaj per ties praktitaj spertoj), kaj ĉefe tiu noviga sociteknologio, travivata de LBV. 

Krom tiuj laboroj en la kunveno de UN, la Institucio estis invitita reprezenti la civilan socion, okaze de debato inter registaraj reprezentantoj realigata de la Organizo de Unuiĝintaj Nacioj por Edukado, Scienco kaj Kulturo (Unesko), de la Internacia Organizo pri Laboro (IOL) kaj de la Monda Banko. La temo de tiu evento, okazinta mardon (5/7), estis "Edukado, junularo kaj labormerkato", kaj ĝi kalkulos je la partopreno de la internacia komisiitaro kaj de ministroj el pluraj landoj. La indikon faris Ekosok mem, ĉar ĝi konsideras la edukan programon de LBV referenco por plibonigo de la mondaj politikoj pri Edukado. 

LBV prezentis la Pedagogion pri Amo kaj Pedagogion de la Ekumena Civitano. De maldekstre al dekstre: la ambasadorino Maria Nazareth Farani Azevêdo, estro de la Konstanta Misio de LBV ĉe UN em Genevo; Danilo Parmegiani, reprezentanto de LBV ĉe UN kaj peranto de la rilattema Kunsido; D-ro Andrei Abramov, Sekciestro de N-roj de UN/DESA; kaj la pedagogino Suelí Periotto, kunordigantino de la pedagogia gvidlinio da LBV.

Legio de Bona Volo preparis por la evento specialan publikigaĵon kun novigaj proponoj por la formala kaj neformala instruado kaj elradikiĝo de mizero cele al la evoluo de la nacioj: BONA VOLO Edukado (legebla hispane, france, angle kaj portugale). En tiu eldono de la revuo, la verkisto Paiva Netto prezentas gravan mesaĝon titolitan "Homa maŝino kaj oleo de sento", per kiu la aŭtoro proponas edukan modelon kiu privilegias la Kulturon de Paco, fundamentitan sur la frataj idealoj de la Ekumena Spiritualeco*. Legu ankaŭ raportojn pri superado de familioj helpataj de la Institucio, kaj kiel la Pedagogio de Amo kaj la Pedagogio de la Ekumena Civitano, de jardekoj sukcese uzataj ĉe LBV, estas kunlaborantaj por konstruo de la Solidara Socio. 

___________________________________________
*Ekumena Spiritualeco — Tiu standardo de Legio de Bona Volo ĉeestas en ĉiuj ĝiaj sociedukaj agadoj, ĉar ĝi estas komprenata kiel “lulilo de plej karaj valoroj naskiĝintaj el la Animo, la nesto de emocioj kaj de la racio prilumita de intuicio, la medio kiu envolvas ĉion kio transcendas la vulgarecon de materio kaj originas el la sublimigita homa sentemo, kiel Vero, Kompatemo, Moralo, Etiko, Honesteco, Grandanimeco kaj Frata Amo”. Elprenaĵo de la libro Urĝas Reeduki!, kiu fundamentas la edukan gvidlinion de LBV, verkitan de la edukanto Paiva Netto, aŭtoro de pluraj furoraj titoloj, kun pli ol 6 milionoj da venditaj ekzempleroj. 

Esperantigita de Joseo Tenorjo
Revizio de Maria Aparecida da Silva

Helena Caetano

Kiu neniam estis surprizita per simpla kaj sincera frazo veninta el infano? Ili havas kapablon veki en ni gravajn sentojn, kiel ĝojo, espero kaj renoviĝo, kiuj tamen malaperas pro paso de la jaroj, okaze de la ĉiutagaj malfacilaĵoj. Per sia simpleco de Animo vidi la mondajn problemojn, ili havigas al ni bonajn ekzemplojn pri kiel ni povas superi ilin kaj aliigi nian vivon. Disputaĉo inter infanoj, ekzemple, ne longe daŭras, ĉar tuj post kelkaj minutoj ili forgesis la kialon de la kverelo kaj revenas al ludado. Sen malpliigo de la kompleksa interrilatoj inter plenkreskuloj, ĉu eblas imagi kiel aspektus la homaro, se en la mondo de pliaĝuloj ankaŭ okazus tiel?

Jesuo, unu el plej konataj figuroj ĉe la popoloj, havigis voĉon al la etuloj, kaj Li estis unu el la unuaj kompreni la socian kaj spiritan gravecon de infanoj. En Sia Evangelio, Li avertis: “Vere mi diras al vi: Se vi ne turniĝos kaj ne fariĝos kiel infanoj, vi neniel eniros en la Regnon de la Ĉielo” (Mateo, 18:3). Per tiu konsidero, Jesuo atentigis siajn disĉiplojn, same kiel nin ĉiujn, pri la kontribuoj kaj valoroj de tiuj sociaj roluloj tiel gravaj, kiaj la infanoj. Cetere, tiu percepto, se adoptita, kapabligas nin vivi plibone en Paca Regno, kiu povas esti konstruata ĉiutage, en nia hejmo, en la labormedio aŭ ene de ni mem. Alidire, venigi tiun ĝojon en nian menson kaj Animon, ĉar ankaŭ de Jesuo estas la jena diro: “la Regno de Dio estas inter vi” (Evangelio laŭ Luko, 17:21). Tie oni vidas la atenton kaj zorgon, kiujn ni devas dediĉi al ĉiuj etuloj kiujn ni konas, estu li filo, frato aŭ nevo. 

Laŭ donitaĵoj de la Monda Organizo pri Sano (MOS), nur en 2011 oni antaŭvidis 19.000 infanmortojn ĉiutage, el kiuj 40% estis beboj dum la unua vivmonato, pro eviteblaj kaŭzoj. Signifaj numeroj, kiuj pensigas nin pri tio kion ni estas farintaj por garantii al ili vivon pli kaj pli justan kaj dignan, sendepende de nia profesia agadkampo. La edukanto kaj direktoro-prezidanto de Legio de Bona Volo (LBV), Paiva Netto, tiel sin esprimas pri la zorgo dediĉata al la etuloj dum 65 jaroj da agado favore al edukado de la generacioj kaj de la estonteco de la Homaro: “La infano redonas nur tion kion la socio donas al ĝi. Se la socio havigas al ĝi rubaĵon, kutime la infano redonos al ĝi rubaĵon, sed se oni donos Amon — kies signifo estas Frateco, Solidareco, Kompatemo — la infano estos spirite kaj vizaĝe pli bela”. 

Ĉi tiuj vortoj estis diritaj la 2an de marto 1996, okaze de unu el plej gravaj inaŭguroj de la Institucio favore al lernado de malpliaĝuloj, nome la Eduka Centro de Legio de Bona Volo, en la urbo Rio-de-Ĵanejro (Brazilo), per elmontro de respekto kaj de atento pri la estonteco de ĉiuj infanoj el Rio kaj ties familioj. 

Cetere, LBV konservas tiun zorgemon ekde sia inaŭguro, en 1950, rigardi la infanojn kiel gravajn agentojn por transformiĝo. Unu el freŝdataj kaj gravaj agadoj kreitaj favore al la infanoj estis la Internacia Forumo de la Soldatetoj de Dio*, disvolvita kaj elpensita de la infanoj mem ekde 2003, kiam ĝin lanĉis Paiva Netto. 

Post plifirmigo de 10 jaroj da infana protagonismo, la forumo konservas sian celon, laŭ difino de ĝia kreinto: “Ni devas montri ke infana penso estas penso kiu havigas al ni perspektivon por plibona mondo (...). La infanoj havos la okazon manifesti sin (...), ĉar ili bezonas lerni kiel sin defendi (per Amo kaj inteligenteco)”. La infanoj kunvenas por pritrakti aferojn je siaj interesoj kaj je tiuj de siaj komunumoj, kaj siavice atentigas la familianojn pri la opinio de tiuj etaj protagonistoj. 

La infanoj mem planas la programon kaj, kune kun la profesiuloj de LBV, okazigas studrondon, teatraĵojn, ekspoziciojn kaj interagajn ludojn. La 28an de marto 2015, per komuna voĉdono, ili prilaboras la temon agi kun Bona Volo. La evento okazas samtempe en la lernejoj kaj Komunumaj, Edukaj Centroj de LBV kaj en la Ekumenaj Preĝejoj de la Religio de Dio, la ekumena religio de Brazilo kaj de la mondo. Kiel konkludon — unu el la momentoj je granda atento flanke de la etularo mem — oni aŭdis la parolon de la kreinto de la Forumo de la Soldatetoj de Dio, Paiva Netto, kiu rete salutis la familiojn kaj parolis al ĉiuj ili.

Vi povas koni plibone la ekumenan proponon pri la infana-junula protagonismo per vizito ĉe la Portalo Bona Volo. Musklaku ĉi tie kaj skribu al ni. 

_____________________________________________
* Soldatetoj de Dio — Estas karesa esprimo kreita de la radiopreleganto Alziro Zarur, karmemora fondinto de LBV, ekde la origino de la Institucio, en la 1950-aj jaroj. Ĝi aludas al la ekumena kaj spiritualigita infano, kiu povis, ĉe la Institucioj de Bona Volo, ricevi plenan disvolviĝon, korpan kaj spiritan, pro formado de koro kaj cerbo, kiel defendas la ĉefgvidanto de la Institucioj de Bona Volo, José de Paiva Netto. Per tio oni celas konduki la infanon al ekvilibra vivo, starigante ĝian disvolviĝon sur firmaj kaj eternaj bazoj, kiuj estigos la estontecan Socion, la veran Solidaran Socion. Tiucele la fundamentaj bazoj estas la Nova Ordono de Jesuo, la Ekumena Kristo, la Dia Ŝtatisto: “Vi amu unu alian, kiel Mi vin amis. Nur per tio ĉiuj homoj scios, ke vi estas miaj disĉiploj, se vi havos Amon unu al alia. (...) Neniu havas Amon pli grandan ol tio, ke iu demetus sian Vivon por siaj amikoj”. (Evangelio de Jesuo, laŭ Johano, 13:34 kaj 35; 15:13).

Esperantigita de Joseo Tenorjo
Revizio de Maria Aparecida da Silva

Michel Tosta

Legio de Bona Volo kaj sia prezidanto, José de Paiva Netto, en solidareco kun ĉiuj viktimoj kaj iliaj familioj de la aera akcidento, kies aviadilo de entrepreno Germanwings falis surteren ĉi-marde, matene, la 24-a, en suda Francio.

Tiu aviadilo flugis de Barcelono, Hispanio, al Duseldorfo, Germanio, portante 150 homojn. Laŭ lokaj informoj, la aerveturilo 320 malaperis de la radaro je ĉirkaŭ la 11-a a.m. (loka tempo). La falo eble okazis inter la komunumoj Barcelonnette kaj Digne Les Bains, regiono de malfacila aliro laŭ la francaj aŭtoritatoj.

Ekumena Ĉenpreĝo
La Portalo Bona Volo invitas ĉiujn retuzantojn partopreni Ekumenan Ĉenpreĝon. Ekde sia origino, en la 1940aj jaroj, LBV inkluzivis al siaj aktivecoj la Potencan Ekumenan Ĉenpreĝon. Ĉiuj retanoj, inkluzive de iliaj karaj estuloj, familianoj kaj geamikoj, povas partopreni en tiu ĉeno de personoj el ĉiaj religioj, naciecoj kaj tradicioj cele ricevi la bonajn energiojn kiuj venas el la preĝo. Ni invitas vin, retuzanta amiko, partopreni ankaŭ ĉi tiun ekumenan ĉenpreĝon, kie ajn vi estas.

Preĝo instruita de Jesuo
(Evangelio de Jesuo Kristo laŭ Mateo, 6: 9 ĝis 13)

Patro nia, kiu estas en la ĉielo.
Sanktigata estu Via nomo.
Venu al ni Via regno.
Plenumiĝu Via volo,
tiel sur la Tero, kiel en la Ĉielo.
Nian ĉiutagan panon donu al ni hodiaŭ.
Pardonu niajn ŝuldojn,
kiel ankaŭ ni pardonas al niaj ŝuldantoj.
Kaj ne konduku nin en tenton.
Sed liberigu nin de la malbono,
ĉar Via estas la regno,
kaj la povo kaj la gloro, por eterne. 
Amen!

Marco Grob

Ekde kiam ŝi iĝis plenuma direktorino de UN Virinoj, antaŭ preskaŭ du jaroj, Phumzile Mlambo-Ngcuka kondukas la organizaĵon per tuta sperto pri virinaj rajtoj, forta strategia gvidanteco kaj administra sperto. En majo 2014, dum la lanĉo de la internacia kampanjo Pekino+20 — kies devizo estas “Povigo de Virinoj. Povigo de la Homaro. Imagu!” —, ŝi reliefigis ke la popoloj travivas senprecedencan tempon en la Historio, dum kiu estiĝas kolektiva penado por atingi la Jarmilajn Evoluigajn Celojn (JEC) ĝis 2015 kaj por difini la sekvan mondan celaron: la Daŭripovajn Evoluigajn Celojn (DEC). Tial, ŝi substrekis: "Ni devas profiti tiun unikan okazon, unu en ĉiu generacio, por enkonduki la temon pri genra egaleco, pri rajtoj de virinoj kaj pri povigo de virinoj inter la ĉefaj temoj de la tutmonda agendo". 

Laŭ sia vivresumo, Phumzile kolektas rimarkindajn travivaĵojn tra la politiko de Suda Afriko, ŝia naskiĝlando. Ŝi fariĝis la unua virino okupanta la postenon de vicprezidento, de 2005 ĝis 2008; fariĝis membro de la Parlamento en 1994 kaj prezidis la Komitaton de Publika Servo. Ŝi ankaŭ estis vicministro de la Departemento pri Komerco kaj Industrio (1996-1999), ministro pri Minoj kaj Energio (1999-2005) kaj provizora ministro pri Artoj, Kulturo, Scienco kaj Teknologio (2004). En 2008, ŝi starigis la Fondaĵon Umlambo, cele subteni lernejojn en la malriĉaj regionoj de Sudafriko, pere de orientado kaj trejnado de instruistoj, kaj de Malavio, kio rezultigis plibonigon de la lernejoj apoge de lokaj partneroj.

Dum ekskluziva intervjuo al la revuo BONA VOLO, la plenuma direktorino parolis, inter aliaj temoj, pri la 20a datreveno de la Kvara Monda Konferenco pri Virinoj — okazinta en 1995 en Pekino, Ĉinio —, kiun oni festos ĉe la 59a Sesio de la Komisiono pri la Situacio de Virinoj (angle, CSW), okazonta inter la tagoj 9a kaj 20a de marto de la kuranta jaro, en la novjorka sidejo de la Organizaĵo de Unuiĝintaj Nacioj (UN), en Usono. Laŭ ŝi, tiu estas la ideala tempo por aŭdace paŝi direkte al genra egaleco kaj al povigo de virinoj, tiel mallongigante la limdaton por la firmigo da la Pekina Programo por Agado, por ke virinoj kaj knabinoj efektive havu rajtojn egalajn al tiuj viraj, liberecon kaj oportunojn sur ĉiuj agadkampoj de la homa vivo.

BONA VOLO — Depost la Kvara Monda Konferenco pri Virinoj, kiuj estis la ĉefaj atingoj en la batalo por egaleco?
Mlambo-Ngcuka — Ni faris gravajn paŝojn en la lastaj dudek jaroj. Estas pli granda konsciiĝo pri la neceso ke virinoj egale staru en ĉiaj sferoj de politika kaj sociekonomia partoprenado. Novaj leĝoj kaj politikoj estis adoptitaj por antaŭenigi genran egalecon en ĉiaj fakoj de publika kaj privata aktivecoj. Estiĝis signifaj progresoj per efektivigo de la monda agendo pri politikoj koncernantaj al la tutmonda partopreno de virinoj en iniciatoj pri paco kaj sekureco. Ni proksimiĝas al la atingo de genra egaleco en bazlernejo kaj, en la plej multaj partoj de la mondo, nuntempe pli da virinoj ol viroj vizitas universitaton. Malgraŭ tiaj konkeroj, (...) unu en ĉiu triopo da virinoj estas viktimo de seksa perforto aŭ jam suferis mistraktado de kunulo. Ili plu portas la ŝarĝon de la nesalajrita hejma laboro kaj restas tute subreprezentitaj en decidofaradoj, kaj en la publika kaj en la privata sferoj. Virinoj ankoraŭ ricevas inter 10% kaj 30% malplie ol viroj, estas koncentritaj en vundeblaj kaj neformalaj laborpostenoj, kaj nur unu en ĉiu kvino da parlamentanoj, en la tuta mondo, estas virino.

Sâmara Malaman

BV — Kiu estas la plej atenta zorgo por efektivigo de la agendo de UN Virinoj por la evoluigo post-2015?
Mlambo-Ngcuka — Malgraŭ tio ke la Jarmilaj Evoluigaj Celoj antaŭenigis signifajn progresojn, vekis la mondan atenton kaj disvastiĝis tutmonde, la neegalaj atingitaj rezultoj ne funde eniris en la solvon pri gravaj strukturaj demandoj. Ekzemple, rilate genran egalecon kaj virinan memstarecon, JEC ne pritraktis demandojn kiel la virina rajto havi posedaĵojn, la neegala divido pri respondecoj zorgi pri la familio kaj pri la hejma laboro, la sano kaj rajtoj seksaj kaj naskigaj de virinoj, la perforto kontraŭ knabinoj kaj virinoj, kaj la malmulta virina partopreno en decidofaroj en ĉiuj niveloj. La Monda Ekonomia Forumo taksas, laŭ la nuna ritmo de progreso, ke genra egaleco, se paroli pri oportuneco kaj ekonomia partopreno, fariĝos realo nur post okdek unu jaroj. Ni ne povas atendi tiel longe. La registaroj bezonas pli vaste pritrakti tiajn strukturajn demandojn por ke la genra egaleco povu konkretiĝi ĝis 2030. UN Virinoj, sekve, defendas la celon, sendepende de la agendo por evoluigo post-2015, atingi genran egalecon kaj ĝin inkluzivi en ĉiujn aliajn fakojn kaj prioritatajn celojn, per planoj kaj indikiloj bone difinitaj.

BV — Se analizi tiujn 20 jarojn de la Programo por Agado de Pekino kaj tiujn 15 jarojn de la Jarmila Pintkunveno, kio bezonas ŝangi por ke landoj atingu genran egalecon?
Mlambo-Ngcuka — Ni havas grandegan breĉon por plenigi, se ni volas atingi la celon vivi en mondo sen genra malegaleco. Diskriminaciaj, sociaj normoj profunde enradikiĝintaj ankoraŭ persistas, same kiel stereotipoj kaj konvenciaĵoj kiuj baras tiun progreson. En kelkaj regionoj de la mondo, kie ni povas observi la plivastiĝon de terorismo kaj perforta ekstremismo, ni devas labori eĉ pli obstine cele apogi la estigon de sekuraj spacoj por ke la knabinoj vizitu lernejon kaj alprenu profesiajn rolojn, kaj por ke virinoj kandidatiĝu por politikaj postenoj sen timo pri perforto kaj/aŭ minaco. (...) Ĉiuj registaraj instancoj devas sin devontigi kaj prezenti raportojn pri la enkonduko de solvoj por la genra egaleco: komence de la vilaĝetoj ĝis la urboj, de la planko de fabrikoj ĝis la koridoroj de la povo. La jam ekzistantajn leĝojn devas esti plenumitaj, kaj se mankas leĝoj, ĉi tiuj devas esti kreitaj. Tiuj 128 landoj, kiuj havas almenaŭ unu leĝan malegalecon inter virinoj kaj viroj, devas denove ekzameni sian leĝaron. Ni bezonas redifini tion kion ni nomas progreso kaj altigi niajn atendojn por fari aŭdacajn paŝojn kaj ne etajn plibonigajn paŝojn. En septembro, ni petos ke ĉiu ŝtatestro sin devontigu per iu agadplano, iu gvidilo por plibona mondo celanta virinojn, kun informoj pri kiel estos disponigitaj rimedoj por la novaj devontigoj.

BV — Kiu estas la rolo de Latinameriko en tiu kunteksto?
Mlambo-Ngcuka — La regiono de Latinameriko kaj de Karibio estas inspirdona laŭ multaj aspektoj. Tie troviĝas mirindaj virinoj, kiuj estas ŝtataj estroj kaj prezidentoj; ekzemple, en Argentino, en Brazilo kaj en Ĉilio, ĉi-lasta havas kiel prezidenton Michelle Bachelet, mian antaŭulon ĉe UN Virinoj. Tiu regiono ĝuas la plej altajn nivelojn de virina reprezentiĝo en la Parlamentejo, nome 26%. Ĝi estis ankaŭ la unua regiono, kiu aprobis devigan dokumenton por eviti, puni kaj forigi perforton kontraŭ knabinoj kaj virinoj: la Konvencion de Belém do Pará, en 1994. Tiu potenca konvencio fariĝis bazo por la dokumento de la Konvencio de Eŭropa Konsilio por Prevento kaj Forigo de Perforto Kontraŭ Virinoj kaj Hejma Perforto, [plej konata kiel] Konvencio de Istambulo, kiu ekvalidiĝis la pasintan jaron. Latinameriko kaj Karibio faris signifajn paŝojn por kompenso de viktimoj de seksaj perfortoj dum konfliktoj, por la paco kaj sekureco. En Kolombio, ekzemple, la civitanaro sukcesis defendi, apoge de UN Virinoj, pli firman analizon pri genro kaj pli grandan virinan reprezentecon dum paroloj pri paco inter la registaro kaj FARK [Fortoj Armitaj Revoluciaj de Kolombio].

BV — LBV defendas la neceson de enkonduko de temoj pri genra egaleco en la instruplanoj. Laŭ via opinio, kiu estus la plej bona strategio por ke tiuj edukaj lecionoj fariĝu pli senteblaj al tiu koncepto?
Mlambo-Ngcuka — Mi gratulas Legion de Bona Volo pro la atentigo, kiun ĝi faras cele al plifortigo de sentebleco pri genro en la edukaj praktikoj. Kiel vi, mi firme kredas ke tiu koncepto pri genra egaleco devas esti pli reliefigitaj dum edukado. La demando, kiun ni devas starigi, estas kiel fari tion tiamaniere ke estiĝu vasta kaj daŭripova rezulto. Plifortigi la senteblecon pri genra egaleco en edukado ne temas pri aldoni genran elementon al procezoj kaj strategioj kiuj estas propre tendencaj tiusence. Ekzemple, ne sufiĉas kreskigi la kvanton da instruistinoj, se ne estiĝos iniciatoj por aliigi la manieron kiel ili instruas kaj por revizii la instruplanon, cele havigi egalajn ŝancoj de lernado al ambaŭ seksoj. Samkiale, kreskigi la kvanton de enskribo por knabinoj en kursoj daŭre celantaj la interesojn de knaboj, estas io miskondukanta al la dezirataj rezultoj. Ni devas revizii niajn instruplanojn kaj instrumetodojn, disponigi lernejajn instalaĵojn, kiuj kontentigas la necesojn de knabinoj kaj knaboj kaj garantii la sekurecon kaj protekton de knabinoj dum ili estas edukitaj. Ni bezonas ankaŭ eltrovi manierojn instrui sciencon, teknologion, inĝenierarton kaj matematikon, kiuj estas taŭgaj por knabinoj. Tiamaniere, kiam ili bakalaŭriĝos, ili estos pretaj konkursi en laborkampoj, kiuj pli kaj pli postulas dungojn pri scienco kaj teknologio. Tio estas fundamenta, se ni volas teni la intereson de knabinoj kaj virinoj en edukado, por ke ili ĉeestu pli longe la lecionojn kaj diplomiĝu kun elstaraj kapabloj. 

Esperantigita de Joseo Tenorjo
Revizio de Maria Aparecida da Silva