PaivaNetto.com
Edukado, scienco kaj teknologio ĉe UN
LBV faris prezenton sub la titolo “Starigi progreson kaj socian inkluzivadon per edukado kaj teknologio”.LEGU ANKAŬ
Jubilo de Vivo
Templo de Paco: unua destino de enlandaj turistoj
Janine Martins
24/04/2012
Braziljo, Brazilo — pro sia vasta kultura diverseco, Brazilo estas unu el plej serĉataj landoj de turistoj kaj interŝanĝaj lernantoj, kiuj kaptas la okazon studi en alia lando por konatiĝi ankaŭ kun ĝiaj kutimoj, monumentoj, tradicioj kaj loka lingvo.Ĉi-rilate la Templo de Bona Volo (TBV), situanta en Brazilja, ĉefurbo de Brazilo, estas unu el la ĉefaj enlandaj turismaj destinoj, pro sia arto, arkitekturo kaj trajto tute ekunema. Ĉiumonate la Templo de Paco, kiel ĝi ankaŭ estas konata, akceptas milojn da interŝanĝantaj grupoj el plej diversaj landoj, kaj ankaŭ homojn el malsamaj religioj, kulturoj, filozofioj kaj fakoj de la homa sciaro, kiuj serĉas la spiritan akceptemon de la medio. Post malmulte da tempo de sia inaŭguro en 1989, ĝi fariĝis la plej vizitata monumento de la brazila ĉefurbo, laŭ datumoj de la Sekretariejo pri Turismo de la Federacia Distrikto (Setur).
- Foto: André Fernandes
- Templo de Bona Volo: La Piramido de la Lumaj Spiritoj, la Piramido de la Benataj Animoj!
LEGU PLI
La Kvar Pilieroj de la Ekumenismo defendataj de la konstruinto de TBV, José de Paiva Netto.
En januaro, la Templo de Paco akceptis la interŝanĝajn junulojn el diversaj landoj, kiuj difinis la monumenton kiel la deirpunkton de ilia vojaĝo en Brazilo. "Ni kunvenigas tiujn lernantojn por ke ili kunvojaĝu kaj konu la landon. Ni komencas per Braziljo, kaj nia unua vizito estas ĉi tie en la Templo de Bona Volo. Sekve, ni vizitos aliajn lokajn vidindaĵojn, plu veturas tra Nordoriento kaj revenas tra Rio-de-Ĵanejro", rakontis la grupestrino, Ana Cunha. Kaj ŝi plu klarigas la motivon de la elekto de TBV por la itinero: "Brazilo estas lando rekonata pro sia religiema popolo; tial ni venigas ilin ĉi tien, klarigante ke la Templo estas loko kiu akceptas iu ajn religion, kaj ili ŝatas tion".
Madeline Cross, veninta el Colorado, en Usono, rakontis siajn impresojn pri la Templo de la Senlima Ekumenismo kaj substrekis tion kio plej altiris ŝian atenton: "Mi tre ŝatis la Templon de Paco, kaj ĉiuj interŝanĝantoj faris ĉirkaŭiron [sur la spiralo] tie en la centro; tiam ni rigardas supren kaj vidas la Kristalon; tio estis vere bona por mi!"
Musklaku ĉi tie kaj konu pli pri la Templo de Bona Volo kaj ĝiaj ĉanbregoj
Ankaŭ Juan Carlos, veninta el Meksiko, montris sin surprizita pri la monumento: "Mi ne konis tian strukturon [ekumenan]. Por mi estas bonege koni la ĉefurbon de Brazilo kaj unu el la mirindaĵoj de Brazilja. Tio estis tre bona travivaĵo".
La Templo de Bona Volo situas ĉe SGAS 915 — lotes 75/76, Brazilja, Distrito Federal — Brazilo. Por pliaj informoj, skribu al esperanto@bonavolo.com.
Esperantigita de Joseo Tenorjo
Revizio de Maria Aparecida da Silva