Parolo pri Paco

Menu

PaivaNetto.com

LEGU ANKAŬ

Trovu Konsolon por via Animo

Ia spaco por konstruo kaj arto: Kulturaj kaj Spiritaj Rondoj

Da Redação

07/06/2011

  • Foto: Derli Francisco
De pli ol 61 jaroj la Institucioj de la Bona Volo de Dio, ĉiam atentaj al la socia scenejo kun kiu la brazila junularo interagas, disponigas spacojn por la junulara partopreno en la socio, cele disvolvi ilian kapablon, tiamaniere plifortigante kaj plivastigante iliajn talentojn pere de agadoj direktataj al konstruo de plibona realaĵo.

Inter la tagoj 22a kaj 29a de majo 2011 okazis la sesa eldono de la Kulturaj kaj Spiritaj Rondoj tra ok brazilaj urboj, reprezentataj de ĉiuj enlandaj regionoj.

VIDU PLIAJN FOTOJN PRI LA EVENTO

  • Foto: Vinicius Bueno
La evento, realigata de la Ekumena, Agema Junularo de la Bona Volo de Dio, pritraktis la temon "Junularo: havi Bonan Volon cele al plibona mondo!", kadre de la 36a Internacia Forumo de la Junulo de la Bona Volo de Dio, kiu okazos la 2an de julio ĉi-jare.

En tiuj Rondoj okazis Kulturaj Metiejoj pritraktantaj plej diversajn tipojn de artoj, kiel fotado, muziko, scenado, poezio, komunikado. Per tiuj Metiejoj oni celis pliriĉigi la talentojn de diversaĝaj junuloj, por ke ili uzu la povon de Arto kiel ilon por konstruo de la Paco, en ĉiuj ĝiaj branĉoj.

  • Foto: Thiago Meloni
La Internacia Muziko-Festivalo de LBV estis alia allogaĵo de tiuj Rondoj. Malfermaj al la partopreno de muzikistoj, komponistoj kaj la ĝenerala publiko, tio estis okazo por transdoni, per muzika lingvo, bonajn valorojn novige, kreeme kaj fratece. La komponaĵoj, premiitaj laŭ ĉiu enlanda regiono, estas produktataj kaj registritaj en la studio de diskeldonejo Som Puro por disaŭdigo pere de la komunika Reto de Bona Volo kaj de partneraj komunikiloj, diskonigantoj de la Ekumena mesaĝo de tiu Movado.

Konatiĝu kun la movado, nome Agema Junularo de la Bona Volo de Dio, de LBV. Pliaj informoj troveblaj per la retadreso esperanto@bonavolo.com.

Esperantigita de José Roberto Tenório da Silva
Revizio de Maria Aparecida da Silva